MC Jin 嘻哈熱捧 NOT FOR EVERYONE N4E1 一個月良心牌 @ 明星靚相大分享☆

由外國回流返香港搵銀，多數俾人懷疑係撈唔掂，所以返來向現實低頭。凡事都有兩面，點解唔可以係勁到紅返香港呢？無料到絕不敢回流見江東父老，潮界有在美國紅到發紫的 NOT FOR EVERYONE「 N4E1」， Hip Hop當紮時期首次叉隻腳入香港開 Pop Up Store；而娛圈就有在美國響朵再返香港發圍的 MC Jin，同 N4E1識於微時，貪佢賣衫講良心。所以今日唔講 Hip Hop，同你講衫。記者：葉雪芯攝影：楊錦文

其他副刊影片 Hip Hop友回歸緊身放大圖片
■ N4E1的服裝上有不少精細 Details，例如在 Shirt上會找到低調有特色的刺繡 Logo。

■ N4E1的服裝上有不少精細 Details，例如在 Shirt上會找到低調有特色的刺繡 Logo。

仲記得 MC Jin在美國 Rap Battle Show時着住件橙色勁闊衫加大褲襠褲的一身 Hip Hop友打扮，但返到嚟香港發展，開始有點潮人影子，難道放棄咗 Hip Hop？他說：「唔關事，十八九歲時，真係好投入 Hip Hop，覺得連着衫全部勁闊抄到足。家到咗呢個時候呢個年紀（ 28歲咋！），過了瘋狂時代，反而着衫最緊要係舒服，唔係用衫去表達 Hip Hop！再講，今時今日的 Hip Hop打扮，都唔再流行 Baggy，家美國好多 Hip Hop友都着到好緊身，例如 Jay-Z、 Lance Gross，有時着 Tight Pants牛仔褲㖭！」

買衫為咗識女仔

講到買衫的瘋狂歲月， MC Jin話最癲試過賺一千洗九百九十九：「剛入行，思想仲未成熟，好想打扮自己，好留意 Fashion Trend，仲不停襯衫。另一個講究到不得了時期，係十六七歲左右，其實十三歲開始已經想打扮，因為要開始識女仔，想女仔留意自己，贏印象分。但家我當然唔會咁諗，如果你因為我着得型先同我拍拖，都唔係鍾意我有才華，咁呢類女仔不如同件衫拍拖啦！唔係真正欣賞我，我仲會想同佢做朋友嗎？」

放大圖片
■灰色 Voltex Polo Shirt$750

■灰色 Voltex Polo Shirt$750

放大圖片
■灰色短袖孖襟領 Pilot Shirt$750

■灰色短袖孖襟領 Pilot Shirt$750

良心牌賣襟興

MC Jin早於兩三年前就認識 N4E1。事實上， N4E1在美國 Hip Hop界早已火紅，未出唱片已獲 2009格林美音樂獎提名的 Drake、首位美國流行音樂排行榜冠軍的英倫歌手 Jay Sean、經常夥拍 Beyonce、 Jay Sean等超級巨星的音樂人 Sean Paul、 Hip Hop界大人物兼與 Jay-Z及 BIG齊名的 Nas、格林美得獎音樂人 T-Pain與眾歐美紅人如 Soulja Boy、 Lance Gross、 Jerimih、 Lloyd、 Little X通通都是 N4E1 Fans。 N4E1行 Smart Casual路線，主腦人 Stephen Lee說：「其實我本來都唔係 Sell Hip Hop，初初搞個 Brand係因為唔鍾意主流返工衫太單調，好似唔打呔唔得，一定要着白恤衫咁，所以就想設計一啲型格嘅返工衫。結果反而有一班 Hip Hop Star捧場。」今勻首次踩入香港開一個月 Pop Up Store，大賣款式以易着易襯為主，而且主力長青款，不定主題不設限制，總之襟睇襟着。老實講，今時今日時裝界最好每月每季狂轉款，賣多幾件賺多啲，有幾多 Brand似 N4E1咁有良心賣襟興？

放大圖片
■黑色 Black Storm Tee$400