在排隊等候 check in期間，婷婷和安志杰有理冇理攬埋一嚿，更瞇埋眼深情咀了幾秒。"
娛樂頂點
攬啜真人騷 安志杰婷婷上海預支蜜月
2010年04月30日
安志杰和謝婷婷拍拖僅一年多，但兩人密集式的肉麻表現，確實令人睇到骨痹。坦言視婷婷為「最完美天使」的安志杰，最近出席活動時更爆響口早有結婚打算，準備在今年迎娶婷婷，不過事後婷婷又對外表示今年不會出嫁。
婷婷看似扭計吊高嚟賣，但其實兩人無時無刻都 sweet到爆。本月 13日，婷婷到上海出席纖體活動，本刊記者發現安志杰甘心做埋跟班隨隊出發，實行在當地逗留一晚預支蜜月。返港前，兩人在上海機場還當眾上演一幕攬啜真人騷，任睇唔嬲。
4月 13日下午，記者發現以黑褸情侶裝打扮的安志杰和婷婷，在上海機場辦理登機手續準備返港，雖然在旁還有三位友人同行，但明顯這對熱戀中情侶禁不住㷫烚烚的戀火，趁住排隊期間數分鐘時間，當眾又攬又啜。
輕吻面珠
婷婷攬實男友時，安志杰情不自禁錫她面珠。咀完一輪後，安志杰不忘搽點潤唇膏（右圖），果然貪靚。
冧爆撥髮
婷婷站在 6呎高安志杰身邊，猶如小鳥依人，更細心為男友撥頭髮，看安志杰笑容，肯定冧到爆。
連體嬰拖手
縱使同行還有三人，但安志杰和婷婷拖住手從未甩過，同行各人似乎見慣不怪。
安志杰反客為主
現場所見，首先是婷婷採取主動，她先將成個身緊貼男友，再熊抱緊箍對方，又在安志杰耳邊說了幾句，連番被撩㷫的安志杰突然反客為主，攬實婷婷纖腰，又主動嘴對嘴濕吻，維持數秒，相當陶醉。
據知當日婷婷是出席在上海「明天廣場」舉行的「修身堂」記者會，正式宣布簽約成為其代言人，而安志杰則自動獻身，表明樂做觀音兵。「佢哋拍拖以來十足連體嬰咁，就算婷婷今次只係逗留兩日一夜，安志杰都話要陪埋去上海。其實安志杰成日同啲朋友講，話識到婷婷好幸運，話婷婷好似天使咁，一早認定佢係老婆。」一位知情者說。
安志杰和婷婷拍拖僅一年多， 08年中被拍到煙韌拍拖，起初兩人仍死口唔認，不過知道紙包唔住火，兩人惟有承認戀情。自此每次在公開場合，二人都毫不避忌以肉麻語句讚對方。上周安志杰自爆打算向拉姑提親，希望今年年尾迎娶婷婷。事後婷婷雖然表明冇咁快出嫁，不過仍冧到爆大談男友求婚唔使巨鑽：「唔使巨鑽，如果我唔見咗會好心痛，扭蛋膠戒指就得，仲有意思。」擺明對婚事早有共識。
本周三，婷婷在港出席時裝展，被問到與男友在上海煙韌到爆，她直認不諱：「可能我哋都喺外國長大，覺得愛對方就一定要表達出嚟，唔可以收埋。（安志杰提親好有誠意喎。）係呀，佢呢方面好傳統，好尊重我同我父母，但因為太忙，仲未約到一齊食飯傾呢件事。」
婷婷和張玉珊（左）一同到上海出席「修身堂」活動，在場貼有婷婷裸露玉背的大海報。
四哥對安志杰有讚冇彈，月前一同出席活動，未來女婿更禮貌與四哥握手。《蘋果日報》圖片
四哥：最緊要個女幸福
對於安志杰與婷婷有意年尾拉埋天窗一事，記者致電未來外父謝賢。四哥對未來女婿讚不絕口：「唔知佢哋喎，如果係結婚，自然會話俾我聽 o架啦，最緊要個女幸福。呢個男仔唔錯，我反而驚自己個女恰佢。（安志杰係咪提咗親？）佢好有誠意，呢啲男仔依家唔多 o架啦，佢哋想點搞就點搞囉！（見佢哋喺上海當眾又攬又錫。）唉！啲後生仔係咁 o架啦！」記者亦曾致電拉姑手提電話，但她留言指自己身在外地。
愈愛愈放
現年 32歲的安志杰和 28歲的謝婷婷於 08年中拍拖斷正，依然唔認戀情，至去年 8月才宣布拍拖。不過唔講尤自可，一公開就愈愛愈放，經常借傳媒隔空肉麻傳情，早前安志杰更擺明話想娶對方做老婆。
保留期
去年初，本刊拍得二人一齊買衫，其間安志杰在店內主動攬實婷婷。其後婷婷吊高賣說：「我知佢鍾意我一段時間，但唔係好正式拍拖。」
暗示期
二人否認戀情，但就以情侶檔行騷拍住銀，還經常互玩暗示，婷婷說：「佢係好好朋友，係男性中嘅第一位。」一向拍動作片的安志杰又話：「我唔會教婷婷打功夫，有我保護佢咪得囉！」
肉麻期
去年 8月，二人終認拍拖，大方拖手晒恩愛。安志杰讚婷婷身材正：「佢最好嘅係人品，係個完美嘅人，身材很棒！」婷婷猛讚男友的汗好味，「佢當我係公主，過馬路有車會幫我擋住，上落樓梯扶住怕我屈親腳，佢啲汗好味！」讚到男友天上有地下無，認真誇張。
談婚期
拍拖年多，安志杰已經話想娶婷婷，更唔怕肉麻透露平時以「寶貝」稱呼她，婷婷則叫他 honey。婷婷亦大方承認男友曾向她求婚，「有商量過，但未正式去做，我同佢只欠一張紙、一個婚禮同一隻戒指。」
謝婷婷安志杰預支蜜月 上海上演狂吻真人秀
安志杰和謝婷婷相戀僅一年多，但兩人密集式的肉麻表現，確實令人看到肉麻。坦言視謝婷婷爲“最完美天使”的安志杰，最近出席活動時更爆早有結婚打算，准備在今年迎娶謝婷婷，不過事後謝婷婷又對外表示今年不會出嫁。
謝婷婷看似不願意嫁，但其實兩人無時無刻都甜蜜到爆。4月13日，謝婷婷到上海出席纖體活動，記者發現安志杰甘心做跟班隨隊出發，在當地逗留一晚預支蜜月。返港前，兩人在上海機場還當衆上演一幕狂吻真人秀，完全不在意路人的眼光。
留言列表
