陳美琪上海做養母垃圾堆中執大頭B 週刊雜誌精彩回顧 ★－明星靚相大分享☆

垃圾堆中執大頭 B 　陳美琪上海做養母

外國影藝圈，領養風氣甚盛，即使自己已有所出，一樣愛心爆棚，好似天后麥當娜，與及荷李活紅人安祖蓮娜祖莉及畢彼特夫婦，均是聞名的聯合國家庭。已經淡出香港娛樂圈的陳美琪，近年隨丈夫忻尚永移居上海，去年十一月，正式辦妥手續，收養一名身世可憐，初生不久便被遺棄於垃圾堆中的山西女嬰。

脊椎爆裂

陳美琪 ○ 一年再婚，丈夫忻尚永為美籍華人，從事電腦生意，與前妻育有一子一女。婚後，陳美琪淡出娛樂圈赴美相夫教子，其後推出《我的野蠻繼母》一書發表做人後母心情。
與老公一對子女相處融洽，陳美琪沒有打算再添孩子，直至遇上在山西被人遺棄的女嬰，與丈夫及家人認真商量後，決定領養女嬰。「我先生而家上海做生意，上海之後，我都有幫當地天主教團體做義工，呢個 BB 女由於一出世就患上脊椎爆裂，俾人遺棄垃圾站，後來經義工團體安排，由山西上海醫病，我有份負責照顧佢。」陳美琪說。

為了照顧患病養女，陳美琪事事親力親為，日夜抱女更導致手部勞損發炎。

陳美琪的養女 Lucia 如今已十九個月大，在她悉心照料下，十分精靈健康。

山西代尋親

去年十一月，陳美琪正式辦妥收養手續，目前十九個月大的養女改名為 Lucia ，經過多次手術後，身體情況令人滿意。「我第一次見佢時候，醫生推斷佢出生不足十日，見到佢當時仍然有臍帶，不過好奇怪，我反應竟然唔驚，仲好自然咁抱起佢，呢可能就係緣分啦。決定領養佢之前，我都去一趟山西，登兩個月報紙，希望嘗試幫佢搵番親人，最後都唔成功，於是我就同修女講，希望正式領養佢。」陳美琪說。
由於女嬰脊椎問題而導致腦積水，頭部比一般嬰兒大，日夜照顧，陳美琪抱住 BB 以致手部發炎，但她仍然不覺對方是一種負累。「佢仲未申請到單程證香港，為照顧佢，我同先生會盡量留上海，將來佢要入籍香港定係美國，都由佢自己決定。我唔希望佢由其他人口中知道自己身世，佢懂事之後，我會親自話佢知，將來佢要尋親，我會同佢一齊去搵，最緊要係佢而家健康同開心。」陳美琪說。