香港人最知慳識儉，買衫買鞋樣樣都精打細算，現在連去 Salon整頭，都有得算死草?!最近一家位於中環的五星級髮廊，喺人人趕住去扮靚嘅 Peak Season推出「造型三次方」優惠，即係顧客只須畀一個價錢，就可以喺一連三日嘅聖誕假期轉足三個 Look，實行 Everybody Merry Christmas咁話！記者：陳子穎攝影：陳盛臣模特兒： Rainbow、 Lui、 Ronald化妝： Tess@MOD Makeup
其他副刊影片 小轉變 大改造 放大圖片 
咪以為只有「劈場」 Salon至會益街坊，今次為你介紹的是一間百分百五星級髮廊，熟客如大劉愛人甘比都經常幫襯。剛於月初開幕的 MAREK Art Of Hair，店主 Marek可謂非一般的星級髮型師（名人客戶有關之琳、劉嘉玲、琦琦等），除了剪功了得，更是電、漂、染達人，巴閉到連國際美髮品牌 L'Oreal Professionnel都點名搵佢做首位華人美髮部教育培訓經理，來頭真不小！
放大圖片 
■海綿寶貝約$10/各大美髮用品公司
講到髮廊今次推出的「造型三次方」優惠， Marek坦言純粹是忽發其想。「好多客人都習慣了每天來髮廊 Set頭後才上班，但中環大部份 Salon在節日期間都不會照常營業，然聖誕節對很多人來說，都是大日子，於是我就靈機一觸想出這計劃來。」其實所謂「造型三次方」，是指顧客只需光顧一次造型服務，髮型師就會教你利用不同的工具和最簡單的方法，在家 DIY，變奏多打後兩天的兩款造型，方便大家由平安夜到 Boxing Day都有新造型。
長髮 玩 Curly 放大圖片 
■藍色閃片 Headband$29.9/H&M
毫無疑問，長髮一定係最多玩法，但點玩先最潮？髮型師 Keith說：「基本上我們會建議客人喺 Salon先 Set攣個頭，因為鬈髮一般可 Keep到兩三日。有咗基本嘅鬈曲度，接下來顧客就好容易 DIY變奏出唔同嘅造型去過節，例如束髻或者加頭飾，其實已經輕易有多兩個唔同 Style。」
放大圖片 
①將所有頭髮梳向左邊頭頂然後束成斜向型馬尾。
Set好曲髮後，今天我們便為大家示範最簡單的束馬尾變髮，「其實馬尾的擺放位置不同，形象上都有很大分別，又或者利用小工具幫忙，兩三個步驟就可以做出高貴的髮髻！」
放大圖片 
②將馬尾束成三手辮，束辮毋須過度用力，越凌亂越好。
放大圖片 
③利用「海綿寶貝」中間的空隙將辮子末端放入。
放大圖片 
④連同辮子和「海綿寶貝」向頭頂方向捲三至四圈，直到馬尾的起點。
放大圖片 
⑤將「海綿寶貝」連同髮髻牢牢搓緊，最後用髮夾固定髮髻。
短髮 玩 Volume 放大圖片 
■蝦肉色綴閃石髮夾$29.9/H&M
潮流興短髮， Sammi就係 Icon。但頭髮咁短，一定無得玩啦！髮型師 Royjo就大派定心丸，「短髮嘅玩法集中喺頭頂部份，既可以玩 Volume又可以利用 Styling Product，造出很多有型有款嘅髮型。」
放大圖片 
一頭有 Volume的厚重短髮，要變化更容易，只要把頭髮梳鬆，感覺便不一樣。
放大圖片 
拿起一束鬈曲的頭髮，離髮根 2-3厘米，用扁平的髮梳向髮根方向來回向下梳，直至有蓬鬆的效果。如是者，利用相同方法完成餘下的髮束。
放大圖片 
本來已削鬆的頭髮，只須再將髮鬢束起，又再變出帶成熟的韻味。
放大圖片 
①將耳上及耳下的頭髮向後梳，然後噴上定型噴霧。
放大圖片 
②用髮夾固定耳旁兩側的頭髮即成。
連續兩晚狂歡過後，到第三日個頭都「塌塌哋」，仲可以點變？ Keith：「此時就可善用頭飾令造型起死回生！方法是將頭髮放在一邊束成辮子，再在頭頂加條閃令令的 Headband即成！」 Wow！好 Kawaii呀！
放大圖片 
■閃片 Headband$49.9/H&M
放大圖片 
■蝦肉色羽毛 Headband$49.9/H&M
男人頭 玩 Texture
還記得，幾年前吳鎮宇在電視劇《衝上雲霄》中的「飛機頭」造型被人罵個狗血淋頭，如今竟然 10個男仔 9個剪，潮流嘅嘢有時真係好虛無。但假如你唔係「飛機一族」，又有咩好玩呢？ Marek：「其實一般斯文的男仔頭，都可以玩 Texture，將兩旁的頭髮 Gel起可以很 Cool，想瀟灑一點，大可用髮泥製造蓬鬆的效果！」
放大圖片 
■ Gel起斯文中帶 Cool。
放大圖片 
■用髮泥擸起頭髮潮味十足。
蘋果讀者 半價 Set頭
現《蘋果日報》讀者憑此印花，於 2010年 12月 22日至 2011年 1月 21日期間，於 MAREK Art Of Hair享用洗、剪服務，均可享獨家半價優惠，名額 200位，先到先得。＊此優惠只適用於指定髮型師，詳情請致電髮廊查詢＊必須電話預約，以最早成功致電預約的首 200位讀者才可享有此優惠＊必須憑報紙剪報，影印本無效＊不可與其他優惠同時使用•必須憑報紙上的印花才可以享有優惠。＊如有任何爭議， MAREK Art Of Hair保留最終決定權，《蘋果日報》概不負責
MAREK Art Of Hair（ 2191 2222）中環威靈頓街 50號華威大廈 2樓單次造型收費：$200起（不指定髮型師）H&M（ 2110 9546）中環皇后大道中 68號 
■黑色 Knit& Woven Hat$69.9/H&M\n
留言列表
