星期六（十二月十八日），BMA老闆投資嘅K場，Red MR銅鑼灣同尖沙嘴店開幕，「四大」唱片環球、華納、EMI同Sony分別派出旗下歌手，包括李克勤、謝安琪、草蜢、周柏豪、薛凱琪、MR等撐場。


「四大」唱片因為版稅問題，同TVB反面，又同Neway唔妥，搞到旗下歌手幾乎無處容身，羅傑承加入K場戰，又做埋「HKRIA」member，「四大」歌手多咗個平台，拉大隊幫手做開幕嘉賓，合理！
至於逢俾面派對，必然做代表嘅無綫高層樂易玲，當日亦有去贈興，不過，由於同日無綫亦喺將軍澳電視城搞《勁歌》晒冷記者會，加上Red MR嗰邊有大班「四大」歌手，樂易玲於是拖到成四點幾先蒲頭，唔使同「四大」歌手撞到正。
又係嘅，咁多記者，同唔同做咗有線電視鎮台歌手嘅謝安琪（Kay）傾偈好呢？仲有無綫「契仔」克勤，吱噚兩句都大把幻想空間，唔傾咩？仲好，點寫都得。
樂易玲姍姍來遲，啱數！


活動尾聲，「四大」歌手走晒，無綫高層樂易玲先到，羅太梁芷珊亦無怠慢，熱情握手。
佢哋走晒囉呵？（設計對白）


半紅半黑嘅阿Kay，同全紅嘅司儀陳貝兒企埋一齊，打扮老咗一截，輸晒！至於被傳同羅傑承斟緊過檔BMA嘅克勤，就施展太極：佢叫我加入南華元老隊咋，冇傾過唱片嘅事。


老闆娘幫手招呼貴賓，仲揸埋機，幫老公羅傑承（箭嘴）同嘉賓合照。過唱片嘅事。


草蜢唔見咗蘇志威，由蔡一智（右）同蔡一傑代表，兩兄弟一身裝扮，話冇夾過，打死唔信。


被牽涉入日模木村乃嘅曹格，亦係卡拉OK股東之一。


周柏豪唔只令何家三房千金超雲超蓮暈晒浪，連熟透周麗淇、薛凱琪一樣招架唔住！


arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄