明星靚相大分享☆

崔建邦去年黑氣纏身，涉打鄺敏慧被捕，獲撤銷控罪，之後又被控酒後駕駛，幸獲輕判。本來新一年事過境遷，誰知他知錯不改，被拍到涉嫌在停牌期間，漠視法紀繼續開車。若有關方面追究，他隨時再度入罪。前女友鄺敏慧得知崔建邦涉違法揸車更直斥他唔爭氣。

其他娛樂名人影片

崔建邦去年涉打鄺慧敏被捕，接住陳志雲被捕失勢，之後崔又醉酒駕駛，壞消息接二連三，犯事再加上冇人撐腰，工作全面停止，崔建邦在電視城消失，不過自陳總重返 TVB，新一年崔建邦重新歸位，主持《勁歌金曲》及《東張西望》，還有新工作接踵而來。

放大圖片

崔建邦前晚復工主持《勁歌》，昨日卻被發現涉違法揸車，隨時再惹官非。

放大圖片

早前崔建邦因醉駕被罰停牌九個月。資料圖片

「以後會小心啲」

本周六崔建邦獲委派做《慈善星輝仁濟夜》司儀，又將會再次擔任《勁歌金曲頒獎禮》大會司儀，回彈力極強，前晚崔建邦重返《勁歌》，表現緊張，他說：「係呀，有啲緊張！呢個節目對我影響好多。」對於有傳是陳總回歸，所以崔建邦才可以重返工作崗位，他說：「我唔會再講，我有工作就做。」之後他被問到經過這麼多事發生之後，會不會醒覺？他說：「我以後會小心啲！」言猶在耳，昨日便有報道指崔建邦於上月 30日涉嫌在停牌期間，知法犯法駕車。崔建邦早前醉駕初犯，輕判停牌九個月，罰款 6,000元，如今他藐視法律，一旦入罪隨時坐監，昨日他原需要錄影《東張西望》，但知道駕車報道見街便突然請假。拍檔宋熙年得悉崔建邦被拍到被罰停牌期間疑再開車，感到驚訝，她說：「以前就有坐過佢車，停牌之後，都見到佢係 call的士，嗰時見到佢 call的士都覺得好笑，我相信佢應該唔會再開車！」至於無綫外事部高層曾醒明表示，會聯絡崔建邦了解事件。

舊愛：謹慎言行

昨日記者致電鄺敏慧，對於舊愛崔建邦涉違法揸車一事，起初她有所保留說：「我冇睇過報道，會唔會未必係佢呀？」其後知道邦邦被圖文並茂刊登駕車照片，於是寸他說：「咁都冇辦法，佢真係唔啱，我哋成年都冇聯絡，都唔知講乜嘢好，佢應該珍惜啲機會，謹慎自己啲言行，點解咁唔爭氣呀？」　採訪：楊潔雯、何慧斯攝影：彭琮然


鄺敏慧昨日一身低胸露背裝出席活動，撇甩崔建邦的她已重過新生。