現年 51歲的「無綫廚神」李錦聯前日疑因感情問題，涉打 54歲酒廊歌手女友邵敏婷（ Rachel），事後警方以傷人罪拘捕兩人，但同獲准保釋候查。據悉，二人在出事前六小時， Rachel曾於 facebook留言喪鬧李錦聯又老又 cheap，還直認已另結新歡。李錦聯昨日則指女友是大醋埕，脾氣「好差、好差、好差、好差」，更宣佈半年情正式玩完。
其他娛樂名人影片
在無綫節目《都市閒情》中教煮餸的飲食主持李錦聯，去年撻着比他年長 3歲的性感酒廊歌手邵敏婷。有指 Rachel身邊男伴不絕，但李錦聯對她死心塌地，甘願為她大灑金錢兼 24小時 on call，結果 Rachel成功被媾掂。想不到甜蜜六個月後，前日早上約 8時，李錦聯在女友的尖沙嘴家中，二人因感情問題發生爭執，李涉打女友，事後兩人均被捕。
放大圖片 
《昨晚 舞照跳》李錦聯昨晚在旺角一酒樓高歌《舊歡如夢》，獲悉心打扮的女粉絲上台伴舞。
放大圖片 
《展示傷勢》李錦聯聲稱與 Rachel發生爭執時受輕傷，昨晚他展示被抓傷的頸後紅痕。
女友 fb留言辱罵 放大圖片 
Rachel前日與李錦聯發生爭執前，曾在 facebook以英文留言狂鬧李錦聯又老又 cheap。
據悉李錦聯發生涉打女友前約六小時， Rachel在凌晨 1時 30分在 facebook留言喪鬧李錦聯：「 I need to say Goodbye to this dirty cheap poor old man.（我要向這個污穢、低莊的可憐老男人說再見。）」她自爆另結新歡，李已不是她的杯中茶。昨日記者致電 Rachel，但她沒有接聽。李錦聯昨日於電話中表示與 Rachel拍拖半年，彼此均有對方家門匙。提到前日兩人疑有打鬥，李錦聯說：「我點會打鬥？冇可能。有時啲女士㷫起上嚟話乜……其實驗傷係乜事都冇。」他稱與女友出現瑣碎感情問題，前日早上到女友家執拾物件，至於是否有人提出分手？他說：「我嘅選擇係冷靜一陣，其實冇乜大問題，我覺得正常社交活動有其他人一齊，大家都要有個空間，但佢係一個緊張啲嘅人。」即指女友呷醋？「可以咁講。」李錦聯自稱多女性朋友但不花弗，反指女友都多男性朋友。
「上周反轉電視機」
據稱事發時 Rachel怒極失控，曾拿起手提電腦掟向李，李及時避開，電腦卻穿過玻璃窗由 7樓直墮地下，問李錦聯誰先動手？他只說：「當時混亂，我唔係太清楚，最後發現有呢樣嘢（電腦）跌落街，呢個係極度危險嘅行為，係我報警嘅。」而他也受輕傷，頸部被刮傷，他強調：「我只係捉住佢隻手，打親交一定係男方唔抵，所以我係制止唔畀打交……因為我要攞番嚟做嘢，我仲有好多私人物件喺佢度。」李錦聯會否擔心涉打女友影響形象？他說：「呢啲事每日都有好多人發生，今次係因為個電腦跌落街先會曝光。其實我先前已經報過一次警。上個月 28號（上周二），佢喺屋企等我，但等唔到，佢將我屋企個電視機倒轉晒。」就因 Rachel反轉電視機故他報警求助？他說：「佢唔畀我攞番啲嘢，我哋做生意嘅要用資料簿，卡呀、身份證呀，喺晒佢度，佢唔畀我一定要報警開門攞番，嗰次我並冇追究刑事毀壞。」該次 Rachel等李錦聯回家，是懷疑他媾女？他否認：「唔係，佢比較任性，但心地好好，唯一係脾氣好差、好差、好差、好差，同佢講過好多次話我接受唔到，希望大家有個冷靜期。」有否復合可能？他說：「我諗機會低啦，我係鍾意佢，無奈佢性格比較剛烈，接受其他異性朋友嘅指數，包括我自己都係──低嘅。」
放大圖片 
《女友異性緣強勁》李錦聯女友 Rachel十分活躍，與杜德偉、張立基、安德尊、錢小豪及魯振順都有合照留影。
放大圖片 
放大圖片 
放大圖片 
昨展示頸後抓痕 放大圖片 
李錦聯揚言曾考慮與 Rachel結婚，他說：「我想搵個好好嘅伴侶，似乎佢唔係囉。」二人打得火熱時，曾透過 facebook各自上載攬攬錫錫照， Rachel更與杜德偉、張立基及不同男伴合照，相信其社交相當活躍。昨晚李錦聯在旺角一間酒樓表演，向在場近百師奶粉絲高唱《舊歡如夢》，有女粉絲衝上台伴舞，李直言此曲是送給他以前的女朋友聽，現場他演出風騷，又向記者展示頸後幾道抓痕，他說：「其實我仲好鍾意佢（ Rachel），好就佢好錫佢，但性格唔啱。」是否已算分手？他答：「係。」他稱今次是小爭執會很快銷案，而他暫沒收過無綫要求休假的通知。無綫外事部副總監曾醒明昨日對李錦聯涉打女友事件說：「因為事件調查中， TVB不作回應。」採訪：夏琴、王崇穎攝影：陳俊強 
上月初李錦聯拖 Rachel到觀塘出席名廚美食活動，當時兩人表現煙韌， Rachel更如小鳥依人挨在男友胸口。
物誌：拍三級片遭炒魷
現年 51歲的李錦聯畢業於皇仁書院， 90年初加入無綫婦女節目《都市閒情》做烹飪主持，打出名堂後成為師奶殺手。至 95年，李錦聯表示接拍三級片，與彭丹演床戲，遭贊助商投訴後遭無綫解約。 96年與艷星葉芳華拍攝電影《狂野三千響》（圖）。其後李錦聯開設調味工場及大賣「李錦雞」、乳鴿等燒味，生意不錯，至幾年前才重返無綫做烹飪主持。 
話你知：廚神相繼落難
「無綫廚神」李錦聯近日疑在歌手女友邵敏婷的寓所內，涉打女友被捕，其實近年廚神界也傳出不少負面新聞，廚神也有落難時。林澄光36歲的「少年食神」林澄光主持無綫節目《為食一條街》（圖）人氣急升，最近卻被指呃朋友錢，及速食高海寧和喪媾女，有指無綫有感他形象差，故嗌停開拍第二集的計劃。蘇施黃55歲的蘇施黃 08年在無綫主持《蘇 Good》爆紅，去年 10月在圓方開講座「我要賺兩億」教人賺錢，但銷情並不理想。資料來源：《蘋果》資料室 
留言列表
