蘋機會:驚人! 1秒 10張 RAW  Nikon日落殺手

盛傳 Nikon機王趕在 CES前曝光,果然無錯,旗艦級 D4終於喺 6號與日本同步發表!全片幅感光元件早為人所知,但叫龍友最發燒,除咗超強 51個對焦點、 10張 RAW高速連拍及 1080p全高清攝錄外,微時拍攝(定時快門間隔)更幫你慳番唔少時間,只要 Set定部機,就拍攝到日出日落嘅情景,輕鬆至極。記者:陳國輝攝影:伍慶泉

攝影師:為記者而設嘅相機 放大圖片
■機王發佈,吸引到過半百傳媒出席。

■機王發佈,吸引到過半百傳媒出席。

由於與日本同步, Nikon一直將消息收得好密,直至到 6號中午 12點後,才正式宣佈 D4誕生!第一時間,場內半百媒體當然想搶先試玩呢部旗艦級機王,點知因工程機關係, Nikon拒絕讓記者插入記憶卡拍攝照片。雖然未玩到百分百真身,作為 Nikon粉絲,能感受到 D4嘅鎂合金硬殼和拍攝時嘅痛快手感,相信都係值得。數到 D4新增功能,十隻手指都唔夠用,拍友對呢部單反機各有不同評價,例如本報攝影師 Kenny就話,因為 D4用到最大光圈 f/8鏡頭,而且中央及兩側共 11個對焦點全部都可以用,就算環境再暗,都能夠輕易拍攝。另一位雜誌記者 Rex亦大讚,最鍾意新增嘅微時拍攝,因之前影日落、日出甚至颱風變化等環境,非常困難,呢項功能可以畀佢哋 Set定腳架,調校好模式,就等相機自動拍攝,方便得多。

放大圖片
■為方便攝錄,機頂可加裝收音咪。

■為方便攝錄,機頂可加裝收音咪。

放大圖片
■攝影師 Kenny認為, D4機能似專為記者而設。

■攝影師 Kenny認為, D4機能似專為記者而設。

 

高速拍攝迎奧運

傳聞話, D4係為咗今年倫敦奧運而推出,事實係點唔重要,最難得 D4提供高速運動時嘅拍攝能力!例如佢以最高容量嘅 RAW格式拍攝,能以每秒 10幅嘅速度,連續狂影 100張!儲存媒體方面,除提供 CF卡槽,也支援全新嘅 XQD記憶卡,速度更高達每秒 125MB,要抄寫「激激聲」嘅照片或影像,幾秒就搞掂!至於新加入嘅 D-Movie短片拍攝功能,便支援 1080p( 30fps),淨係呢一點,已比上代 D3S嘅 720p進步。

放大圖片
■提供雙屏幕顯示拍攝狀態。

■提供雙屏幕顯示拍攝狀態。

放大圖片
■除鎂合金機身,仲加入防陽光照射嘅塗層。

■除鎂合金機身,仲加入防陽光照射嘅塗層。

放大圖片
■ D4為全片幅,質素當然更靚。

■ D4為全片幅,質素當然更靚。

放大圖片
■支援最新 XQD卡,抄寫速度達每秒 125MB!

■支援最新 XQD卡,抄寫速度達每秒 125MB!

 

D4示範作( AF-S NIKKOR 14-24mm f/2.8G ED, 1/10s, f5, ISO 100) 放大圖片

 

室內自然採光下,雖然拍攝時只係啟動 ISO 100,但人臉、輪廓清晰分明,層次豐富。

( AF-S NIKKOR 70-200mm f/2.8G ED VR II, 1/2,500S, f/5.6, ISO 200) 放大圖片

 

利用 f/5.6大光圈以及 1/2,500秒拍攝划艇運動,水花像靜止般,而且充滿動感,抵讚!

Nikon D4 放大圖片
■ D4屏幕闊度由以往 3吋增加至 3.2吋。

■ D4屏幕闊度由以往 3吋增加至 3.2吋。

感應器: 1,620萬像素全片幅 CMOS系統: Nikon EXPEED 3影像處理器感光度: ISO 100至 204,800屏幕: 3.2吋 921,000像素儲存: CF及 XQD記憶卡售價:約 6,000美元( 2月 16日推出)查詢: Nikon( 2907 1122)

stacylife 發表在 痞客邦 留言(0) 人氣()