有性訴

陶傑 才子論性

何謂人生的最高境界?原來並非有錢、有地位、有學識,而係乜都試過玩過先至堅。對於同性戀這個敏感話題,才子陶傑經驗之談:「未試過,人生係唔算 complete(完整)。」他不是雙性戀,只是曾經年少輕狂。
04年 8月,有報道踢爆一名貌似陶傑的中年男子,與女伴雙雙離開九龍塘時鐘酒店,該男子見有記者,即以廁紙包頭遮面速逃。早前陶傑到政總集會時曾自我揶揄,話要搵出「廁紙包頭」這個人。當本刊記者問及 04年廁紙包頭是否其人生一大污點時,他說:「冇污點,因為冇咁嘅事。如果依家邊份報紙話我陶傑(廁紙)包頭,我會發律師信。如果想知真相就法庭見!」好!就唔講包頭,才子不如講你點睇偷食啦……

 


早前陶傑首次執導拍電影《愛尋迷》,劇情描述現今社會男女關係,女主角係 Mandy Lieu。《蘋果日報》圖片 

陶傑現年 55歲,英國華威大學文學學士畢業,擁有倫敦政治經濟學院國際關係深造文憑,現時更是多份報章專欄作家及時事評論員,「電影導演」是其最新銜頭。

Never pay for sex

少時在英國求學的陶傑,畢業後入籍當地,並以紳士自居。「婚前我都交過幾個女朋友,唔算好多,有英國、法國、美國同歐洲籍,但係我就 never pay for sex,唔會嫖妓叫雞,要免費嘅。(齋 sex冇感情?)感情?少少啦!
「我反而戥香港女人慘,因為好多香港男人沉迷嫖妓,咁會剝奪一個男人對性愛嘅想像力。妓女只係想快啲收錢完事,喺呢種交易下,男人不知不覺性本能退化,只識速戰速決嘅性交,完全欠缺前中後所有細節。我唔係認叻,想當年廿幾歲,同個鬼妹做完愛一齊去沙灘游裸泳,香港一定冇人咁做,喺外國係件小事。由於社會文化唔同,加上我深受英國文化薰陶,所以我係一個好注重細節嘅人。」

保守爸爸

沉醉於英國情懷的陶傑,回流香港後落地生根,大仔今年 15歲,細仔 10歲,但陶傑對兒子的性教育意外地保守。「會唔會教佢哋點用 condom?唔會喇!佢哋好多嘢都知。我當年第一次戴套真係瘀到痹,以為好似着襪咁啦,原來唔係。(第一次享受嘛?)唔覺當時係享受,仲俾對手睇穿自己未試過。不過咁,呢位女朋友亦成為我嘅人生牀上導師。」如此不快的初夜,難怪不便與兒子分享。「有次我發現阿仔上網睇色情嘢,我當時話俾佢聽:『睇呢啲係好自然,對性有興趣,個個男人好似爹哋同 uncle後生都會(咁做),只要唔好俾佢霸佔晒所有時間就得。』」
男人好色實屬正常,才子都有不文時。「六、七十年代,邊有 AV同四仔?當時成個書檔都係鹹書,封面全部露晒點,勁過依家多多聲。一對對乳房唔打格仔,每到月頭、月中都有新書出,《老爺車》、《咖啡屋》、《迷你》。當時讀緊小學六年級嘅我唔敢買,只係等到出書嗰日走去報紙檔睇,一個個裸女乜都睇晒,流吓口水咁囉。到我中三,有個屋企有錢嘅同學帶我睇脫衣舞,喺銅鑼灣一幢大廈七樓,夜晚十一點半開 show,有一男一女真人表演,當時我仲着住校服喎!咁樣一晚又飲又睇就一百幾十蚊喇!」

偷食最高境界

早前蔡瀾和倪匡在訪問中異口同聲表示,就算捉姦在牀,只要男人死口不認,家中老虎乸亦無可奈何。陶傑則另有睇法,「如果真係捉到正,咪話瞓覺取暖囉!我未試過偷食,老婆亦冇捉過姦。(有冇傾慕者自動獻身?)唔多。我又唔靚仔,突然間有後生女黐埋嚟,你估真嘅咩?我向來都向壞處諗,當然會冇咗好多機會,但又冇咗好多麻煩。好似今日同兩個着三點式嘅女仔一齊影相,我會問佢哋正職係咩?有冇諗過廿年後自己會點?會唔會進修吓?(下刪百字)」現場所見,陶傑與兩位三點式女模真有交流,才子還把玩女模臍環,更主動以私人手機拍下一皇兩后合照留念。
陶傑雖然年過半百,但他好注重自己副 body,早在 30年前他已每星期做三次運動。「我一向都有做 gym,每次個幾鐘,會舉啞鈴同跑步呢啲帶氧運動,都有老鼠仔㗎!唔好以為只有女人先會扮靚,男人外形都好重要,尤其中國男人到咗中年就有個大肚腩。其實六、七十歲都可以行山打網球,任何時候都要 keep。身體仲好影響性愛,男人嘅高潮係決定喺場性愛幾時結束,自己控制唔到高潮,場波就吹雞完場,就算個女人話未有高潮,個男人都有心無力。可能係上天嘅惡作劇,女人到咗三、四十歲,一晚仲唔止一次㖭,所以男人一定要 keep好自己。」

男男性愛經歷

很多人對同性戀戴上有色眼鏡,尤其身為父母或長輩,但在才子眼中同性戀和異性戀無差別。「依家係 21世紀,好多人都仲好封閉。我覺得喺性愛方面未試過同性戀,人生係唔算 complete(完整)。(你試過?)當年我讀嗰間寄宿學校係男校,有咩未試過,不過我同對方就冇感情嘅。(你係 1〔男方〕定 0〔女方〕?)我當然係做『 1』啦!」原來不單止要 never pay for sex,可以不分男女才是最高境界。


十幾廿歲的陶傑,眉粗粗鼻高高,在英國求學多年的他,深受鬼妹歡迎。 

言行大膽的陶傑,對住囝囝流露出慈父的樣子。對於兒子的性教育,陶傑反而採取保守政策。《壹週刊》圖片 

撰文:李家碧 
攝影:劉玉梅 
錄像:湯文峯 
化妝髮型: Joe Wong@ Joe’ s Image 
模特兒: Crztal To, Alia Cheung

全站熱搜

tvb4life 發表在 痞客邦 留言(0) 人氣()