點解背景會變咗《黑夜之神》，灰濛濛一片？呢個係最新 M4/3相機—— Olympus E-PL2嘅 Dramatic Tone效果，新機加入新 Filter，再結合手動操作進行微調、修正；若然想玩盡啲，你仲可選購 LED觸鬚補光燈，微距暗位都無你符；想親自拍多一集《黑夜之神》？隨時 Camera！記者：陳國輝攝影：陳陶鈞Model： Nie Fung@ZModel
其他副刊影片 增強電影感 手動照玩 放大圖片 
■主打 Filter有 6款，仲可以揀選唔同效果。
玩開 PEN系，都知 E-PL1因內置大量 Filter，極受用家歡迎！例如模型、黑角、魚眼等，今次新機樣樣落齊，㩒幾個掣就搞掂！此外， E-PL2今次更追加 Dramatic Tone（戲劇性色調），效果類似喺陽光普照下，令到原來景象變得陰霾不定；當日實試，就發現除咗天空變得灰沉沉，就連眼下建築物亦變到好似死城咁款，最正係呢項功能唔止對應影相，用嚟拍片亦一樣無問題！其他濾鏡亦加入兩至三款冷暖色調效果，值得一提係揀好 Filter後，你可透過手動方式，調校光圈值、感光度等數據，自行改變 Filter感覺，呢項分唇亦係新機先有。
芒大鏡頭細 贏上代 放大圖片 
■鏡頭縮細咗，不過照對應舊鏡頭。
機身長、闊度 115.4× 72.2mm、重量 317g，驟眼睇同上代無乜分別，但只要細心觀察，你就發現其實屏幕已作出重大改良！ E-PL2雖然唔似 GF2咁加入大量 Touch Screen操作，但屏幕闊度亦加碼至 3"，亦即比上代大咗約三分之一；跟機嘅 Micro 4/3鏡頭（ 14-42mm）亦比正常細咗同輕咗；不過最抵讚都係對焦速度， E-PL2明顯較上代爽快，用嚟捕捉小朋友或寵物嘅動作，肯定應付有餘。
放大圖片 
■新機 Size較細，手柄位設計亦唔同咗。
放大圖片 
■ E-PL2屏幕闊達 3"，更善用機身空間。
濾鏡效果實試
好哋哋天朗氣清，雖然無乜藍天，但採用 Dramatic Tone後，即變灰色一片，甚似 Batman戲內罪惡之城，充滿電影感！
放大圖片 
前
放大圖片 
後■西九變罪惡城
Details Snap 放大圖片 
■行 M4/3接環，舊鏡全對應！
放大圖片 
■想轉模式或濾鏡，一擰就得。
放大圖片 
■儲存 1,230萬像素相片僅需 2秒。
放大圖片 
■閃燈同上代差唔多，較一般。
同場加映：觸鬚 LED即插即着 放大圖片 
■售價待定
講花臣，又點少得呢對外置觸鬚仔！佢十足外星人咁款，個 Look超爆，同時仲配置兩盞 LED燈，雖則火力未及一般閃燈咁強橫，但因為主攻微距拍攝，加上觸鬚可任意扭擰，點玩角度都得，所以實用性極高！佢仲有樣好處，就係插落機身即着，唔使額外供電，等你班發燒友喪玩 Filter之餘，都仲多樣隨身法寶。
Profile 放大圖片 
感應器： DSLR Live CMOS有效像素： 1,230萬自動對焦系統： Imager AF鏡頭接環： Micro 4/3感光度：自動 ISO 200-6400影片： 720p儲存媒介： SDHC屏幕： 3"體積： 115.4× 72.2× 42mm重量：約 317g查詢： Olympus（ 2376 2150） 
Dramatic Tone拍攝效果！
留言列表
