計計吓，今年周慧敏（ Vivian）已經入行 25周年，喺 3月 19同 20號佢會喺紅館舉行兩場「 DeepV25演唱會」，日前佢為演唱會影海報，今次嘅造型會配襯好多唔同嘅帽， Vivian即場咁試戴影相，佢話同平時換好多靚衫影相感覺好唔同，覺得好新鮮。不過馮仁昭覺得 Vivian戴咁多靚帽，始終唔及佢身上着上嘅低胸裝，露出白滑皮膚同豐滿上圍咁有睇頭。
放大圖片 
拍攝海報時，周慧敏先後戴咗成十幾頂帽，再配襯唔同靚衫，總之乜都要靚。
放大圖片 
周慧敏今次影海報時所有造型同化妝嘅嘢都交由工作人員負責，自己完全唔再費神。
為音樂特輯請嘉賓
Vivian表示上次 06年開演唱會，乜嘢事佢都會緊張一大餐，幾乎大小事 Vivian都要參與同負責，所以搞到壓力好大幾乎爆煲。今次 Vivian已經學識盡量放鬆，就好似當日拍海報造型，今次事前佢就完全唔去參與，任由身邊工作人員將佢舞嚟舞去，咁樣反而令佢感覺樣樣都好新鮮又有驚喜。今次 Vivian影海報嘅靚帽，全部都係喺英國訂做，差唔多每頂都價值五位數字，而當日影相前後就影咗十幾頂帽，可見製作單位相當落本。另外， Vivian又為佢嘅新歌《盆栽》拍 MV，撞啱天氣好凍，所以工作人員要出動三個暖爐放喺 Vivian身邊一邊拍一邊取暖。至於稍後 Vivian會為無綫拍音樂特輯，佢已碌盡人情牌，請咗鄭秀文、王馨平、蘇永康同谷祖琳做嘉賓。 
周慧敏頭頂上嘅帽全部都喺英國訂做，每頂都要成萬港元，認真落本。
全站熱搜
留言列表
