明星靚相大分享☆

賈曉晨（ JJ）早前帶父母到埃及旅行，誰知遇暴動，離開時像逃亡。 JJ昨日隻身返港在機場說：「我哋 28號到開羅，睇完金字塔，夜晚就有動亂遊行，都唔知點算好，於是坐火車去盧克所，途中見到好多人遊行同燒車，我哋一衝入火車站即刻閂咗站。」

放大圖片

賈曉晨以相機展示在埃及拍得街上坦克車的照片。

放大圖片

賈曉晨與父母在開羅暢遊金字塔後，晚上便遇動亂。微博圖片

見無數坦克車

JJ帶着父母到了不太混亂的紅海，遇到幾位香港旅遊人士，其後中國領事館派人到紅海，接他們回開羅坐包機。 JJ邊說邊激動得眼濕濕：「我哋坐咗 7個鐘巴士返開羅，沿途見到無數咁多坦克車，曾經有啲人圍住我哋架巴士唔畀行，好彩冇衝上嚟。」她謂一團 17人，她跟着父母乘坐頭一轉包機到北京，剩下半團人未知情況，她說：「淨係排隊上機都排 3個鐘，我哋個團 5號先返 o架。」問到可有追討保險金及旅費？ JJ說：「冇諗，淨係好驚，當地導遊都話屋企俾人打劫同搶車。好彩中國政府承諾 48小時內畀我哋走。」採訪：譚倩宜攝影：陳順禎


賈曉晨談及在埃及情況仍猶有餘悸，眼泛淚光。