千嬅與余文樂在戲中常與同事於後巷「打邊爐」（煲煙），二人互相「借火」，因而撻着一段「吸煙情緣」。
變戲法
楊千嬅余文樂拍三級片
2010年02月04日
楊千嬅婚後拍導演彭浩翔的新片《志明與春嬌》，同余文樂合作做一對「煙鏟情侶」，電影原定三月尾上映，但因片中有不少粗言穢語對白，電影公司近日將該片送檢，被電檢處評為三級，令寰亞電影陣腳大亂！
粗口累事
電影《志明與春嬌》原本是以搞笑為主的愛情喜劇，被電檢處評為十八歲以上人士才能入場觀看的三級片，令電影公司要急謀對策補鑊。
「對我嚟講，三唔三級無乜所謂，反而係等緊投資者同公司決定，始終係佢哋俾錢拍。可能用最少嘅方法，例如 cut咗有問題嘅嘢，或者『嘟』咗一、兩個字，將部戲變番做二 B級，又或者出兩個版本，一個三級一個二 B。」彭浩翔說。
據了解，電檢處所指的粗言穢語，並非粗口橫飛，只是導演做電影資料搜集時，在後巷聽到煙民煲煙時說話用的助語詞，絕對寫實。「我覺得電檢處嗰邊好得意，上次我拍《出埃及記》，裡面都有粗言穢語，但佢哋話係喺壓力下被迫講出嚟嘅就無問題，電影被評為二級。但今次《春嬌》唔係被迫或激到好嬲而講，所以就係三級。」


扮 OL長期要著四吋高踭鞋，千嬅頂唔順，換上 Eason嫂徐濠縈代購的厚底涼鞋，舒服晒！
 
新片被評為三級，導演彭浩翔表示對電檢處的評審準則無所適從。

樂做三級女
片中大部分粗言穢語主要由男主角余文樂負責，現正與林峯拍攝邵氏新片《 Perfect Wedding》的楊千嬅，笑稱這是香港地道文化，無端變成三級女星，她亦自覺犀利。「有邊個女星可以唔使性感演出就可以做三級女星？我婚前同婚後拍咗兩部三級片，一套係驚到笑嘅《餃子》，結咗婚就有《春嬌》。我覺得無乜嘢呀，一係上兩個版本，大人有大人睇，細路有細路睇囉！」


二人在後巷煲煙傾偈，唔食煙的千嬅揸煙動作略為生硬，唔似得本身是煙民的余文樂自然。
 
不用埋位時，千嬅也會不停練習吸煙及揸煙手勢。

輪到林峯
除了正在無綫播映的《鐵齒銅牙紀曉嵐 IV》及三月尾上映的《志明與春嬌》，楊千亦正為邵氏電影《 Perfect Wedding》埋位，上週三（廿七日），她與林峯在天后街頭拍外景。


結婚半年，雖然密密有工開，但千嬅心廣體胖，搞到凸出大肚腩。
 
飾演婚姻介紹所老闆娘的千嬅，與做律師的林峯「姊弟戀」，拍拍吓拖在街頭鬧大交，有不少「埋身」鏡頭。
 
拍攝當晚著住羽絨的千嬅「雪雪聲」，搓住雙手聽監製鄭丹瑞講戲。






arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄