遊車河轉運：50公里港島遊　 IFC 順行桃花增偏財 @ 明星靚相大分享☆

新春假期，一家人四出拜年之餘，有乜好得過順道遊埋車河行大運。今年玄學家方海閱師傅，指出五大開運方位，我哋將之串成一條 50公里長嘅吉利路線，度埋靚景同車位畀你，等讀者愛情事業財運全部得意，貨如輪轉、車見車載！記者：徐影龍攝影：周旭文、林栢鈞Model： Betrys@GME Models鳴謝：玄學家方海閱（ 2144 1514）車輛提供： BMW HK

其他副刊影片中環 IFC　轉圈增偏財放大圖片
■玄學家方海閱

■玄學家方海閱

方師傅指出兔年五大吉利方位，全部南轅北轍，套落九龍或新界，條遊車河路線可以長得好誇張。所以今年路線以港島區而設計，總長度都只係 50公里，計埋燈位同慢車，都只係行一粒鐘多啲。由於今年七赤入中，首個重要方位，就係要喺中心地帶搭上呢粒偏財星，尤其係食金融、地產、保險、娛樂飯嘅人士，偏財星更係針對性地提高財運。唔使諗，中環 IFC地靈人傑、有景有 Shopping，停車場一般情況亦有充足車位，首站一於先落去打個轉。商場內擺放咗棵巨型桃花，勁有氣勢，讀者不妨順時針圍住桃花轉 7個圈，助長偏財運。不過方師傅補充，千祈咪掛住影相而逆時針轉，否則變成「逆插桃花」，咁就師傅出馬都幫你唔到喇！

放大圖片
■記緊順時針圍住桃花轉 7個圈，逆時針轉效果會變成相反。

■記緊順時針圍住桃花轉 7個圈，逆時針轉效果會變成相反。

放大圖片
■轉完桃花，一家大細仲可以食嘢兼 Shopping，夠 Hea兩粒鐘。

■轉完桃花，一家大細仲可以食嘢兼 Shopping，夠 Hea兩粒鐘。

放大圖片
■商場外天橋望晒維港靚景，唔使師傅教都知有助運程。

■商場外天橋望晒維港靚景，唔使師傅教都知有助運程。

放大圖片
■多層停車場入口喺金融街，車位充足。（平日$20/小時、假日$22/小時）

■多層停車場入口喺金融街，車位充足。（平日$20/小時、假日$22/小時）

西北摩星嶺　財位吸靈氣放大圖片

然後由干諾道西圍住海傍行，由山市街轉入卑路乍街同域多利道，順行約 10分鐘就到西北位嘅摩星嶺道。代表「當運財星」嘅八白，不如七赤般具針對性，對所有行業嚟講都有效。方師傅話嚟到摩星嶺，最緊要盡量吸多啲靈氣，即係大大力深呼吸便可。山上咁清爽，吸完包你人都醒啲。

放大圖片
■毋須行上摩星嶺咁辛苦，將車泊喺摩星嶺道已達吉位目的地。

■毋須行上摩星嶺咁辛苦，將車泊喺摩星嶺道已達吉位目的地。

放大圖片
■山上空氣零舍新鮮，師傅建議大啖吸靈氣。

■山上空氣零舍新鮮，師傅建議大啖吸靈氣。

西南鴨脷洲　嘆茶有利晉升放大圖片

吸完靈氣轉行薄扶林道，約 12分鐘後經過香港仔大道，近路牌靠左轉上鴨脷洲橋道，駛約 2分鐘轉右往利枝道，跟住順行就到充滿舊區風味嘅鴨脷洲大街。呢度有文昌星坐鎮，有利事業晉升、學業進步，方師傅建議坐低飲杯茶食件糕，寓意步步高陞。一行幾個後生仔，好難想像坐舊式茶樓嘆茶，反正見肚餓，大可試試悅寶餐廳嘅魚蛋米同凍奶茶，入口夠香夠滑，老闆娘仲好好招呼㖭!

放大圖片
■鴨脷洲大街充滿寧靜舊區風味，好正。

■鴨脷洲大街充滿寧靜舊區風味，好正。

放大圖片
■可能近香港仔關係，估唔到茶餐廳嘅魚蛋米都咁彈牙爽口。

■可能近香港仔關係，估唔到茶餐廳嘅魚蛋米都咁彈牙爽口。

東南石澳泳灘　旺公幹人放大圖片

唞完一輪，上橋出番香港仔，順行黃竹坑道駁香島道，經過深水灣泳灘，開始玩港島區聞名嘅「深淺赤石」長途山路。沿淺水灣道、赤柱峽道、大潭道， 5公里後轉入石澳道，一直駛便到「武曲星」嘅東南有利方位石澳泳灘。武曲星對經常出外公幹及紀律部隊人士有利晉升。水為財，加上石澳泳灘環境優美，攬住愛侶睇海浪，仲唔浪漫到痹。雖然啱啱嘆完茶，但面對香噴噴嘅炸雞翼同珍寶腸，確實幾難忍到口。

放大圖片
■有近百車位，除假日例爆外，基本上閒日一定有位泊車。

■有近百車位，除假日例爆外，基本上閒日一定有位泊車。

放大圖片
■無塞滿人同車，原來石澳泳灘個 View都幾靚。

■無塞滿人同車，原來石澳泳灘個 View都幾靚。

東北鯉景灣　添人緣放大圖片

東北位為「一白」人緣桃花星，由家庭、客戶、同事及朋友運等，均有所提升人緣好自然事半功倍。最後一站嚟到西灣河鯉景灣，由石澳出大潭道往柴灣方向，直落柴灣道，臨近慈幼會修院轉右落阿公岩道，左轉入愛禮街，順行駛入愛賢街，經愛勤道及太安街，再轉入太康街便到。鯉景灣有多間食肆同酒吧， High Tea夠爽！

放大圖片
■兩旁大把泊車位，揸車人士亦自動自覺停車熄匙。

■兩旁大把泊車位，揸車人士亦自動自覺停車熄匙。

放大圖片
■街上一列都係裝修得好靚嘅酒吧同食肆，行一轉心情都靚啲。

■街上一列都係裝修得好靚嘅酒吧同食肆，行一轉心情都靚啲。

BMW X1　坐得甜蜜揸出激情放大圖片
■朱古力車身有着金屬底色，陽光下真係好靚。

■朱古力車身有着金屬底色，陽光下真係好靚。

要跑大長途山路，兼且穿梭市區繁忙道路，最好揀番架有氣有力嘅的骰車仔，跟寶馬借來近期 Hit到周街見到嘅 X1，仲係 3,000cc頂級版 xDrive 25iA。雖然港島西唔多熟路，經常錯過路口而繞遠路，可幸 X1表現迅速爽快，為我追番唔少時間，始終咁小巧嘅 SAV有成 218匹馬力， 2,500轉已達最大 277Nm扭力，每次起步都夠醒。最好玩係山路一段，車仔唔算巨型，入彎已夠靈巧，仲有高身視野同 xDrive四驅優勢，忍唔住轉埋+/-波嚟玩，拖低波 Keep轉數，出彎相當有力，急攻入彎都唔會「波 Out」踩線， TCR遁迹系統表現令人相當滿意。

放大圖片
1.內櫳舒服視野優越，絕對適合女仔揸。

1.內櫳舒服視野優越，絕對適合女仔揸。

外形上， X10既小巧的骰，已相當討人歡喜，加上大熱朱古力車身顏色，去到幾個唔同嘅吉利景點，都有人舉機影相。我最欣賞車廂設計，皮椅軟熟舒服，頭頂一個近乎貼邊框嘅天幕式天窗，令旅程充滿大自然遊車河 Feel，儘管我因趕時間而駕駛急速，但車內攝記同模特兒一樣可呼呼入睡，旅途遙遠，惟有孤獨地享受駕駛 X1嘅樂趣。

放大圖片
2.全電動天幕式天窗，大大增加車內開揚感。