明星靚相大分享☆

賭王何鴻燊家族嘅爭產風波近日成為全城熱話，身在英國嘅何超蓮，日前喺微博開火力撐媽咪三太陳婉珍，仲鬧咗句「妖魔鬼怪多邪惡」，近呢幾日超蓮已經收晒口，只係上載咗佢同女友人湊外籍小妹妹嘅相。

謝友人支持

除咗超蓮收咗口之外，佢家姐超雲亦冇再講家事，但噚日就先後上載咗兩張新年相上微博，其中一張相見佢好銷魂咁捧住束鮮花，話：「 Thanks for your support always! I am very please.」另一張超雲就着住條桃紅色低胸裙企喺棵年花隔籬，仲搶眼過啲年花。

放大圖片

超蓮（左）上載咗一張佢同朋友一齊湊小朋友嘅相。

放大圖片

超儀獲朋友打氣，佢就話要擴大正能量。

超儀求能量 放大圖片

劉嘉玲揸住結他扮 rock妹。

至於何超儀前日就喺微博透露，近排美國《華爾街日報》狂刮佢做訪問，又訪問埋佢朋友，令超儀不禁驚嘆話：「乜我咁搶手，真係受寵若驚，奧斯卡又點都唔會輪到我啩，我又唔係搞金融……咁為乜呢？」連日來超儀好友不停在微博為她打氣，而超儀回應好友時就話：「繼續擴大正能量，緊緊戴着那絲絨手套，用真理和對方用力握手！ May positive energy surround the earth always!」超儀亦有轉發劉嘉玲嘅微博，噚日大年初一，嘉玲喺微博上載咗一張揸住結他嘅相，相中嘅佢着住紅色旗袍，非常應節，張相仲寫住「 Rocker Me」，唔知係咪同老公梁朝偉喺屋企夾歌呢！


超雲企喺年花隔籬，繼續銷魂。