大年初二又到！今晚唔使講嘢，梗係要睇煙花啦！因應兔年來臨，煙花滙演特別設計咗款兔仔煙花圖案，極受攝影玩家嘅關注！無相機喺身邊？唔緊要！ iPhone有咁多相機 Apps，一定幫到你影靚相！記者：許福合攝影：林栢鈞Model： Algie@PureModels
其他副刊影片 iPhone煙花主題 AppsAstraware Fireworks自製煙花 放大圖片 
■無儲相功能，可利用 iPhone擷取功能，將畫面儲存。
捕捉煙花最美一刻係有難度，驚失手可用《 AF》補飛！基本功能係將相片與煙花 CG合成，但此 App無儲相功能；你只需按住 Power及 Home掣就可將畫面擷取下來。售價：免費
NoriCa添加煙花 放大圖片 
■可連人一齊影，煙花會前景顯示。
《 NoriCa》係一個超強相機特效 App，可以另外下載一個 Bonus Pack，當中有煙花特效，效果比前者好得多，而且可連人一齊拍， App是免費，煙花效果需 0.99美金。售價： 0.99美金
Slow Shutter Cam慢快門
好多人都知影夜景需要慢快門，用長時間曝光，不過 iPhone內置攝影功能並無快門設定！使用這個《 Slow Shutter Cam》就可調校快門，控制曝光時間，範圍由 0.5秒至 30秒都無問題！售價： 0.99美金
放大圖片 
■篤吓屏幕就顯示介面，快門時間最長 30秒。
放大圖片 
■仲有自拍時間控制功能，最長可達 10秒。
Super Camera Free防手震 放大圖片 
■影相時會自動偵測震動情況，穩定就會自動拍攝。
想要個功能強又夠專業的 Apps，可以試吓呢款《 Super Camera Free》！安裝後，攝影功能真係同一般數碼相機有得揮，而影煙花時嘅實用功能有防手震、定時拍攝及連續 3張拍攝等。售價：免費
Doodle Booth加色圖案
想自己張煙花相更具特色，又與別不同？可以試吓呢款《 Doodle Booth》，內有多款特色圖案公仔可以配搭，特別之處係加上圖案後，仲可以調配顏色，方便襯番煙花爆發時嘅效果。售價：免費
放大圖片 
■內置多款有趣圖案，可以加到相片中，令相片更有特色。
放大圖片 
■圖案仲可以更改顏色，方便襯番張相個感覺。
靚靚煙花 逐幕捉
今晚煙花分八大環節，由較傳統嘅菊花形，到用英文砌成「愛在香港」嘅煙花圖案都有；不過最受歡迎嘅，當然首選係兔仔樣加 2011年份字樣嘅「金兔迎春」！
第一幕：恭喜發財 放大圖片 
爆花指數： 4
時間： 8:00:00-8:01:52音樂：《恭喜發財》頭炮會在一片炮仗聲中開鑼，正所謂爆竹一聲除舊歲，熱鬧又應節；影相時記得留意要捕捉嗰幾個 8字帶金絲柳環，在夜色背景中特別搶眼，據講寓意個個金銀滿屋，心想事成！
第二幕：金兔迎春 放大圖片 
爆花指數： 5
時間： 8:01:53-8:04:29音樂：《繼續微笑》開初較易影，八隻又八隻活潑可愛嘅小兔臉，會不斷在維港夜空閃現，錯過咗可以補飛；高潮在臨結束前，八張兔臉連同 2011字樣橫跨維港， Wide鏡唔夠闊，影得三兩個數字就無意義！
第三幕：椰風海韻 放大圖片 
爆花指數： 2
時間： 8:04:30-8:05:35音樂：《請到天涯海角來》可能你會問，無情情點解整幾棵椰樹出嚟？呢幕好明顯係與贊助商有關。呢幕會打出一棵一棵七彩繽紛嘅椰子樹，不過認受性似乎不高，值唔得值得影，就要睇佢臨場發揮了。
第四幕：和諧共享 放大圖片 
爆花指數： 4
時間： 8:05:36-8:08:38音樂：《阿拉木汗》呢幕主要是寄望大家今年和和氣氣，有個溫暖的家。煙花圖案選用了「金錦冠」同「牡丹花」雙花作主題，主要貪佢顏色豐富。煙花發放頻率相當高，最好出動腳架加長快門，感覺會好爆！
第五幕：愛在香港 放大圖片 
爆花指數： 5
時間： 8:08:39-8:11:52音樂：《愛在香港》如果你話咁多幕煙花之中，最易影嘅一幕，我會首選呢幕「愛在香港」，最爆同最值得影係會在高空爆出「 I? HK」字樣，而且仲會分兩段，每段放 16次，你話有咩理由影唔到先？
第六幕：喜慶團圓 放大圖片 
爆花指數： 3
時間： 8:11:53-8:16:50音樂：《天歆珍藏》將「椰芯子母彈」同「旋龍帶彩心」射上天空，煙花設計顏色都幾豐富，寄語父母對子女的愛無微不至，寓意團團圓圓，夠晒好意頭。趁住爆得最精采之時，一家人齊齊整整、影番張大合照就至啱！
第七幕：銀花耀港 放大圖片 
爆花指數： 4
時間： 8:16:51-8:19:42音樂：《 Nessun Dorma》純睇設計圖可能會覺得幾簡單，不過記得留意呢幕煙花的第 18秒！佢將會高速打出「錦冠柳」同「旋龍飛舞」，記得擺正腳架，將快門時間調得長一點，你就有機會拍攝到煙花有如銀瀑一樣傾瀉而下。
第八幕：瑞氣呈祥 放大圖片 
爆花指數： 5
時間： 8:19:43-8:23:23音樂：《 1812 Overture Op.49 Extract》結尾一幕將配以排山倒海的管弦樂伴奏，製造震撼效果，當去到第 68秒時，會由紅、金、綠、藍四種顏色，組成約一公里煙花屏幕，拍攝時最好預備廣角鏡頭！
靚位逐個捉 放大圖片 
尖沙嘴海旁兵家必爭之地，正對煙花靚位，上午去霸位都唔過份！
照往年經驗，通常初二下午開始，已經陸續有「重武裝」攝影發燒友進駐各個拍煙花要點，想霸個好位？就要提早搬定凳仔！
放大圖片 
尖沙嘴星光大道側側哋影煙花位，距離亦會遠啲，三點前去仲有機。
放大圖片 
西九海濱長廊開始多人留意！無敵海景，相對人唔多，要 6-7點去霸位。
放大圖片 
灣仔會展傳統必影位，仲好多「自由行」！都係有咁早得咁嗰隻啦！
放大圖片 
北角寶馬山雖然唔係熱門位，不過鳥瞰景觀相當不俗。
放大圖片 
中環山頂幾乎可水平位置睇煙花，兼影維港靚景，但一定逼爆。
放大圖片 
中環 IFCIFC平台花園，西九夜景作背景，影煙花另有風味！
相機靚拍小 Tips快門 1-2秒或以上
拍攝煙花，最基本要注意就係長時間曝光，才可完整拍攝到整個煙花。由發射到煙花爆發，一般需時 1至 2秒以上；若果遇上較大型組合煙花，甚至想一次過拍下幾組煙花， 10秒或更長嘅曝光時間，走唔甩！
穩固腳架 放大圖片 
■拍煙花夜景需長時間曝光，最好帶腳架。
由於要長時間曝光，攝影師實在難以用手持方式，長時間固定相機拍攝整個煙花過程。所以記得帶腳架，不過維港兩岸一般風較大，腳架建議用較穩固的款式。
無限遠對焦
若果只純粹拍攝煙花，構圖中唔考慮加入人像同背景，對焦可選用無限遠。因為天空漆黑一片，大部份相機都係無法對焦，設定無限遠就可以應付到。
專業用黑卡
亦有部份較專業玩家，會使用黑卡拍攝，作用係配合 B快門及快門線，長時間曝光時擋住光線進入鏡頭，可將不連貫煙花叠影埋一齊。不過曝光時間較難掌握，容易過度曝光！
拍攝裝備篇穩定腳架 放大圖片 
售價：$2,780
腳架基本上係必備，不過最好有支穩定性高、大風吹唔怕倒的！建議用 Manfrotto 190CXPro4，碳纖物料，最高高度 146cm，大半個人左右，高度啱啱好。
雲台 放大圖片 
售價：$550
腳架都需要配搭雲台（ Ball Head），方便調校角度，這款 Manfrotto 496RC2負重可達 6kg，夠晒穩陣。
快門線
為咗避免按下快門時造成震動，長時間曝光最好使用快門線，可以避免震動影響相片效果。
放大圖片 
■ OM RM-UC1（ EPL1/2等 OM相機適用）$420
放大圖片 
■ Pixel RC-201 DC2（不同品牌相機同價）$88
售賣點： DC Power（ 2384 6698）
煙花賀歲 攝影比賽 放大圖片 
影咗咁多靚相，除咗自己紀念之外，仲可以用來參加比賽，香港海南商會主辦咗個「煙花賀歲慶團圓」攝影比賽，以 2011年初二維港兩岸煙花滙演為主題，表現香港繁榮同和諧嘅景象，冠軍有現金獎$8,000及獎牌，詳情請參考網頁。
查詢電話：香港攝影學會（ 2527 5186）網址：http://www.lcsd.gov.hk/CE/Entertainment/EntertainmentOffice/events_details/11firework/details.html
農曆新年煙花滙演 放大圖片 
日期： 2011年 2月 4日時間：晚上 8:00開始地點：灣仔和尖沙嘴之間的維多利亞港海面費用：免費查詢電話： 2591 1340網頁：http://www.lcsd.gov.hk/eo 
煙花靚拍：今晚必影兔兔煙花 iPhone靚拍速成班
留言列表
