明星靚相大分享☆

謝婷婷安志杰前晚在灣仔恩愛情侶檔行騷，卻被台下的黃長發搶盡風頭。早前有被指是黃長發的性愛片段流傳，他竟默認是相中人，更豪氣表示：「唔理邊個發出，我唔會怪佢！」更豁出去謂如果有人擁有更激片段，歡迎拿出來傾。

其他娛樂名人影片

早前有被指是黃長發性愛片段在網上流傳，舊愛鞋王三奶 Karen更踢爆黃長發要求在沙灘及車上做愛，搞到滿城風雨。現轉做經理人的黃長發，前晚陪同他公司旗下模特兒在尖沙嘴為 Esprit行騷，黃長發大方接受訪問，問他有冇跟進淫片事件？黃長發直認不諱說：「係我自己嘅事，我唔需要同人哋講。」有冇見 Karen？他說：「冇見，我哋已經唔係朋友，亦冇聯絡，冇必要（聯絡）。」他表示現時沒有拍拖。

放大圖片

黃長發去年和鞋王三奶 Karen譜忘年戀，近日更被三奶踢爆他的性癖好。資料圖片

放大圖片

婷婷與安志杰情侶檔行騷，卻被新聞多多的黃長發搶晒鏡。

唔會怪發佈人 放大圖片

早前網上流傳一批男女性愛照，相中男角被指是黃長發。互聯網圖片

哥哥黃長興之前已承認某相中人是長發，記者再向他求證時，他初時表示冇回應，之後說：「哥哥講乜由佢講，我知自己做過啲乜，我嘅嘢自己答番。」不澄清？黃長發說：「唔使澄清，因為我唔係娛樂圈嘅人。」他承認有看過相關照片：「行過 7-11有揭吓，冇特別睇，唔會理邊個發出，我唔會怪佢！」迴避即係承認，他說：「係乜都唔會講，我自己嘅事，人哋點諗我唔理。」

強調冇受恐嚇

問到黃長發不怕有更激片段流出，他即豁出去，豪氣地說：「如果有，就攞出嚟囉！」不擔心影響所屬公司？他說：「公司仲好撐我，發放嗰個人都唔敢出嚟，有（片）嘅話，可以出嚟傾。」他再次強調冇遺失電話，亦冇受過恐嚇，至於 Karen踢爆他的性癖好，黃長發謂不會叫她收口，他說：「過咗去，我將來嘅女友亦唔係 Karen。」採訪、攝影：顏英儀


黃長發表示在便利店睇過雜誌刊登的性愛淫照。