水怪係我！
動植物公園

很反高潮吧！
圖中這隻正潛在水中央，做出多種水中翻騰轉體直插等等等等高難度動作的，不是基因擅泳的金毛和拉布拉多尋回孖寶兄弟，不是工種造就天生趾間長有像蹼薄膜的水狗一族。牠的名字叫「 Jackal」，標準積羅素㹴犬 Jack Russell Terrier，是狗界王祖藍，只有三寸釘身高的五短身形，強項狩獵，陸上彈跳最強，卻聞所未聞，積羅素㹴犬識游狗仔式，還懂擘大眼深潛！
身為狗主的你，不用羨慕復妒忌，一切都可以後天人為培訓出來的，且聽「 Jackal」爸爸媽媽樑哥和 Carol的心得分享。


<h2>摸底</h2>

未學行，何來有本事學走，但原來並非隻隻狗與生俱來就是落水狗。「『 Jackal』初學游水時，不知幾驚，震晒！好在本性爛玩，只要幫佢練大個膽，就有得教。」即是最緊要貪玩，什麼狗種都不成問題，玩具犬如芝娃娃，都有入場資格接受再培訓。
不過最緊要肯濕身——說的是主人。別以為求其掉隻狗落水，就自動曉游，狗同人一樣，試過沒頂肚飲飽水滋味，一怯，咪使旨意以後仲肯掂水，死亡恐懼感會一世都記住。所以教狗游水： a犬隻專用泳池一定好過海灘，無浪又有一定限制深度，泳池水又冇海灘水咁污糟，冇咁容易肚屙。最緊要係，就算遇上突發事，主人都容易控制。 b要不幫狗穿上背部附有手挽帶的救生衣；不要用手住狗身，總之主人一定要傍實幫狗平衡，免狗身下沉，還要不時讚 good boy，以壯聲勢。 c浮到，肯游，下一步，就要出動伴游玩具，以一口咬住，例如塑膠骨頭或網球，有凹凸坑紋和會發聲的，最好。


今年六歲，足足十七磅重的「 Jackal」，水花四濺炸水泳姿，似炮彈更似被拋入水的石油氣罐。


 


一躍一撲，就直插四呎深池底，手掂地借力一翻，就瞄準心愛玩具。最詭異，係仲有閒情逸致四圍八卦，擘大眼住攝影師一舉一動。


 


 


 


勁！「 Jackal」一氣呵成十分流麗水中妙韻泳術，嘩真係睇到在場人士無不目瞪口呆拍爛手掌！


<h2>捉心理</h2>

有主人陪，有浮水玩具追，快過三個月學外語，「 Jackal」試游三、四次就學曉狗仔式，幾乎個個週末都游游游，特訓約莫九個月後，老手添喇！「摸熟水性，儲夠一定經驗，這個時候，是學潛水的黃金機會。」即是主人切記要戒急，宜有耐性按部就班持之以恒，俾時間隻狗練上手，待時機成熟，再下一城，就整爛陪游水玩具，剪大咕窿，使其入水即沉池底，唔潛，以後都無得玩。「『 Jackal』就係為咗拯救佢心愛玩具，而開始潛出第一步。」試潛初期，樑哥和 Carol互相配合，每人把守一面池邊，既可一眼關七隨時候命跳入池拯救；亦能做到啦啦隊打氣效應。「等佢無論响咩位置冒上水都見到主人，心可以定啲。」但「 Jackal」並非第一次便成功。「頭幾次無經驗，『 Jackal』抖不夠氣，潛不到半呎已經浮番上面。」好在膽子被練成第一大，唔識死，轉個圈，已經主動試潛第二次。 Carol看在眼裡，當然落力配合，猛拍手為「愛兒」吶喊加油，「 Jackal」變相更得戚，俾多兩錢肉緊反應。「根本教狗同教小朋友一樣，鬧邊有用，反而讚多啲對於激發鬥心會更有幫助。」結果「 Jackal」越潛越勇越深，甚至唔潛唔安樂，「好多金毛都同佢無得揮！」嘩嘩嘩「 Jackal」威威！

明星靚相大分享☆娛樂八掛週刊雜誌★明星靚相大分享(04月刊)★ 明星靚相大分享(04月刊)★ 娛樂八掛大放送★ 為食譜識飲識食街★ 任逍遙旅行萬里路 ★ 科技電玩一線通 ★ 寵物地帶 ★ 潮流男女打扮★ 健康之道★ 財經投資★ 五行玄學八卦風水★ 娛樂猛片放送站★ 週刊 及 雜誌(4-11月刊)☆ 週刊 及 雜誌(10-3月刊)☆
arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄