好多人話我寸，係真喎，今時今日我做乜嘢都從心出發，好多人俾一大嚿錢我，我都唔願出 trip睇風水，點解？等我親自話你知！


小時候讀書，每個人都會遇到一個題目是「我的願望」，我當然亦不會例外，記得那時應該還是小學初期，應該都不會超過十歲，我還是一嚿雲那樣，怎會想到有甚麼願望不願望，每天有一些零用錢買零食已是「最大的願望」。相信大多數兒童都像我一樣，小時是沒有願望的，有願望的相信不到二三，即使有願望亦大多不是「真正的願望」！
記得當時的自己，根本甚麼願望都沒有，見到同學們都希望做醫生、警察、消防員、飛機師等，當時的我都話要做飛機師，不過係求其寫一樣當做交功課！其實小時候，真正願望是能夠搭飛機去世界各地公幹，但以香港現時的教育水準，如果我有以上這個願望，可能會給老師印上「不合格」或「請重做」！願望歸願望，理想歸理想。到我這個真正願望在九十年代達成後，才知道「我的願望」是那麼天真、那麼蠢！
大家試想不停要坐飛機去世界各地公幹不是很辛苦嗎？即日來回大陸都不知試過多少次，試過清早乘船往肇慶，下午乘船回港，來回船程加上工作時間、來回碼頭時間，可想而知會多辛苦。又試過有一位熟客想我幫他去新加坡睇風水，由於往外地睇風水的 booking，一般預約起碼要提早一兩個月，在無法可想下，惟有星期日乘最早的一班飛機出發，看完風水後乘最後一班機回港，回到家後整個人好像散掉一樣，這兩次公幹後，我以後都不再往外地公幹了。

美國讀者 Fiona Lo問：本人於 1980年 X月 3日，中午 1:00至 1:30左右出世，而我丈夫於 1974年 X月 24日晚上 7:30左右出世。現有一些問題想問：
1.去年約 11月尾，我丈夫因社會經濟差而失業，現剛剛找到一份臨時工，工資比之前差了很多，請問這份臨時工是否要繼續做下去？對他未來事業會有幫助嗎？今年或明年還要再找新工作？
2.我跟丈夫結婚不久，我們的姻緣還算夾嗎？因經濟不景的關係，所以考慮遲些才要小孩，如果想要孩子的話，哪一年生的小寶寶對我們會較「好」？我指的「好」，是一家人健康和和睦。
3.請問我的事業發展還可以嗎？我現在是打工的，想以後做點小生意，我的命格適合從商或只適合幫人打工？
4.我丈夫也適合從商嗎？可提議哪類行業適合我和我丈夫？

蘇師傅答：你屬「火」，生於夏天，要「金」、「水」，喺 18至 28歲有個小運，但已過咗，要到 48歲再入運，所以命格上算係一生唔行運，你依家行緊「貴人舒服懶運」，搵嘢做係會比較困難。你丈夫又係一生唔行運，因立春前出世，佢係屬「牛」，唔係屬「虎」，命格要「木」、「火」，佢得 10年小運，喺 26至 36歲，又係啱啱行完運，你哋兩個都要穩穩陣陣咁去打工！但你丈夫嘅運差極都好過你啲啲，因為佢嚟緊會行「權運地位運」，所以佢打工揸到啲權，有啲着數。仲問份工應唔應該做落去？梗係打死都做啦。你丈夫於 2010至 2015年，因流年有利，事業上叫做有進展。兩人嘅姻緣一定唔太好啦，所謂貧賤夫妻百事哀，兩個所行嘅運係夾，但弊在都係行衰運呢！生 BB唔關任何嘢事，有生活基礎咪生得囉！唔好再諗做生意，兩個嘅運都咁差，做生意真係等執笠，專心打工算吧！ s

■讀者想蘇師傅幫你算命，可連同出生日期（新曆）寄至本刊編輯部，註明《峰 So玄理》收，蘇師傅每期會抽出一位幸運讀者，為佢解答。

明星靚相大分享☆娛樂八掛週刊雜誌★明星靚相大分享(04月刊)★ 明星靚相大分享(04月刊)★ 娛樂八掛大放送★ 為食譜識飲識食街★ 任逍遙旅行萬里路 ★ 科技電玩一線通 ★ 寵物地帶 ★ 潮流男女打扮★ 健康之道★ 財經投資★ 五行玄學八卦風水★ 娛樂猛片放送站★ 週刊 及 雜誌(4-11月刊)☆ 週刊 及 雜誌(10-3月刊)☆
arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄