旅行旅遊澳門急充電　漫遊星際有金執－明星靚相大分享☆

作為打工仔，每日返工不時都想着放假、想着去旅行。不過到計劃旅行時，唔係同朋友夾唔啱假期，就係無機位，想遠離香港透透氣都唔得。其實，透透氣都唔使去咁遠，去澳門酒店 Hea一 Hea快速充電都唔錯。記者、攝影：蕭漢祥Model： Snow

「吞金」賀國慶

的確家澳門各大酒店越來越好玩，簡直可以足不出「酒店」，夠你玩足一整日。尤其是各個長假期，各間酒店都會推出新計劃吸引遊客，例如下個月就到的十一黃金周，又係另一個高潮。星際酒店公關話：「十一黃金周，梗係要越金越好。」就係咁呢段時期內酒店真係遍地黃金。以餐廳為例，酒店內的稻菊日本料理就以金為題材，設計出一系列有咁金得咁金的餐單。前菜的自家製冷豆腐配金箔，不論冷豆腐或豉油都放上一片片金箔，負責的日本料理師傅華哥話，除了賣相豪之外，其實呢道菜式亦好注重健康，首先用上日本入口的大豆磨製豆漿，然後混入鹽巴，幫豆漿凝結成豆腐。咦！乜唔係用石膏粉咩？華哥話用石膏粉凝結的豆腐，食用後會容易產生膽石，現在甚麼事也以健康為大前提，整豆腐當然都要重新調校。至於另一道松葉蟹黃金天婦羅，一般煮法都是以菜油或豬油將蝦、青椒等炸熟，但由於菜油及豬油的油溫最高只達攝氏 170度，要令天婦羅炸得更脆更香口，便需要達到更高溫的食油。華哥就採用更矜貴的芝麻油，他說一粒芝麻可榨取的油量非常少，因此一桶 10公升的芝麻油就要成$1,700，再者油溫越高可翻用次數就越少，成本就更高，所以華哥說今次黃金周真係不惜工本，即使整個套餐六餸甜品加清酒，位位$980，加埋上等刺身、拖羅等等真係無乜賺錢水位，純粹貢獻畀各位食家。

放大圖片
■位於 17樓的泳池，能夠遠眺南中國海遠景。

■位於 17樓的泳池，能夠遠眺南中國海遠景。

放大圖片
■松葉蟹黃金天婦羅改以芝麻油炸熟，比以菜油或豬油更脆更香。

■松葉蟹黃金天婦羅改以芝麻油炸熟，比以菜油或豬油更脆更香。

放大圖片
■多道菜式都以金箔襯托，再加上煮法非常健康的冷豆腐，真係又豪又健康。

■多道菜式都以金箔襯托，再加上煮法非常健康的冷豆腐，真係又豪又健康。

放大圖片

稻菊日本料理（澳門星際酒店）

地址：澳門友誼大馬路訂座電話： 800 968 998（香港免費專線）

與金磚同眠放大圖片
■就連清酒都有金箔，真係食都食得特別豪。

■就連清酒都有金箔，真係食都食得特別豪。

小記身邊有唔少朋友說，出外旅行都係想透透氣，去澳門未必係想四圍走咁忙，在酒店內 Hea一日叉足電至係假期。樓高 39層的星際酒店，位處澳門外港旁邊，部份房間擁有無敵大海景。上文話黃金周宣傳好金。點金？就好似由董驃跟肥姐沈殿霞主演的富貴電影系列，一屋都係金牛與幾百萬同眠咁。雖則有啲誇張，但星際酒店於黃金周推廣期間（ 8月 30日至 10月 3日），入住酒店房間就有機會參加大抽獎，首輪抽出的兩名幸運兒將會獨取$28,888現金及幸運黃金磚，到終極大抽獎更有機會瓜分$188,888的獎金。縱使唔抱住中獎的心態，亦可遠離香港享受一個寧靜假期，呢一刻已經係無價！

澳門星際酒店

地址：澳門友誼大馬路訂座電話：（ 853） 2838 3838網頁：http://www.starworldmacau.com

天際暢泳放大圖片
■喺度嘆杯凍飲休息吓，係人生一大享受。

■喺度嘆杯凍飲休息吓，係人生一大享受。

對於澳門旅遊的印象，其實這十年間已經大大不同。以往去澳門，必然想起歐陸建築、葡國菜式等，不過小記認為這幾年澳門旅遊業的趨勢，逐漸淡化葡國特色，繼而不斷引入其他國家旅遊的元素，將澳門旅遊變得國際化。好似近年在東南亞地區好流行的天台泳池，讓住客可以一邊游泳，一邊欣賞酒店外的遠景。其實享受呢種服務，又唔使下下去到東南亞咁遠，喺星際酒店 17樓的天際泳池都有異曲同工之妙。泳池的周邊環境雖不至於一覽無遺，但在池中暢泳時欣賞澳門景色，以至南中國海的遠景都無問題。最緊要係自己在泳池中嘆世界時，睇住旁邊商廈的人在忙碌，咁都夠晒過癮！

放大圖片
■據小記的非正式統計，其中一個項目「星際嬌娃」演出的收視都幾高，是由來自泰國的變性人演出，唔講都未必知佢哋曾經係男兒身。