千億新抱徐子淇自從 06年嫁予恒基二少李家誠後，三年抱兩，連生兩個囡囡，老爺李兆基（四叔）開到口恨男孫。近日又傳懷孕的子淇昨日出席活動否認有喜，但揚言想圓老爺心願，恨生仔的她更想向連生三子的梁洛施取經。

其他娛樂名人影片

千億新抱徐子淇昨日以智行基金大使身份，在時代廣場出席護膚品雪花秀的百家被慈善活動，籌款幫助內地愛滋遺孤及弱勢兒童，吸引了不少自由行旅客圍觀及趨前拍照。有保鑣護駕的徐子淇近日又被傳懷孕兩個半月，她昨日穿上一條由英國設計師 Julien MacDonald設計的紅色裙，裙身有皺褶裝飾，但不覺她腰肢變粗。

身體不適傳染細女 放大圖片

徐子淇去年為李家誠誕下次女，四叔（左）坦言恨抱男孫。資料圖片

徐子淇自爆有少許不舒服鼻塞塞，更傳染給細女，問她是否又有喜？她即說：「唔係呀，我都想呀！我有我會話畀大家聽。」問她是否怕胎兒「小器」而未能公佈？她說：「唔係呀，有咗我係呃唔到人，頭一個月就會見肚，個鼻脹大，面又會腫，一睇就係大肚樣，呃唔到人。」她謂生兒育女的事只能隨緣，雖然努力中，但時間未到，她說：「好似整車咁，整架車都一年啦，何況一個人。」四叔開到口恨男孫，問子淇是否想追個仔？她直認不諱說：「梗係想啦！好多人以為老爺畀壓力我，佢係好好嘅老人家，一次都未同我講過，一次壓力都冇畀我，佢咁好，呢個係佢心願，我會盡力！」梁洛施（ Isabella）為李澤楷生了三子，問她可想向 Isabella偷師取生仔秘笈？她說：「我唔識佢，你哋幫我問啦！」她謂自己已經做足工夫，計算食物酸鹼度、計日期等，但近期忙於做善事又身體抱恙，故未能成功造人，她說：「呢啲係緣份，我見過年紀大嘅，人工授孕都冇。」

「懷念拍劇嘅時間」 放大圖片

（左起）徐子淇、何潤東、設計師張潔雯及丁子高昨日齊做善事。

對於大伯李家傑被傳以 90億入股 TVB，徐子淇說：「係初步了解，未係住，都唔一定係。」徐子淇曾拍電影《誤人子弟》及《靚女差館》等，也曾在 TVB拍過電視劇《新鮮人》，如果李家傑成功入主無綫，徐子淇可會返電視台或多點出鏡？她說：「我懷念拍劇嘅時間，好似一家人咁，幾個月，日日見，好溫暖。但家都冇時間，我要湊小朋友，我以前做訪問都講過，我嘅心願係湊女，唔係拍劇。佢哋帶畀我好多快樂，佢哋學中文、做運動，我都跟住一齊學咗唔少。」

老公唔畀復出拍戲 放大圖片

梁洛施為李澤楷誕下長子李長治（圖）及一對孖仔，羨煞旁人。資料圖片

問徐子淇可有戲癮？她爽快地說：「唔會，老公唔畀！冇咁嘅時間囉，如果出嚟多咗，會影響啲小朋友，做媽咪唔可以咁自私，係有犧牲 o架，有時我都想睇 concert，但驚俾人話我唔湊女去追星，所以都冇睇，少少犧牲。」原來她犧牲的是周杰倫演唱會，她說：「我欣賞佢識鋼琴，不過家盡量連街都少出，驚俾人又話我有 BB，之後跟住我幾個星期。」少了出街，可會影響小朋友的生活？她說：「我都有帶佢哋出去玩，去啲私人嘅地方，同佢哋一齊就好開心，買衫呢啲好簡單，可以上網購物。」同場嘉賓還有何潤東，他大讚徐子淇靚：「是我見過最美麗的媽媽！」難道不怕緋聞女友徐熙媛（大 S）呷醋？他即補鑊說：「她不是媽媽，她是我見過最美麗的單身女生。」採訪：顏英儀攝影：黃文偉

常抱肥 B極速收身

徐子淇一向好肉地，她之前三年抱兩，接連生了兩位千金，每次都增磅不少。不過，她昨日穿上小背心短裙，露出纖纖玉腿，明顯纖瘦不少，其面龐及手臂的贅肉也不見多。

放大圖片

去年去年生完細女的徐子淇，面圓圓仍未收身。

放大圖片

昨日徐子淇昨日成功收身，雙腿尤其纖瘦。

多食乳酪

徐子淇之前曾透露，生 BB令她肥完又瘦，她說：「多食奶類乳酪食物可以快啲減磅，連跟隨多年嘅 baby fat都唔見咗。」而全力湊女的她，曾笑細女肥妹似迷你版鄭則士，所以她抱 BB等如做 gym，非常容易變瘦，相反經常陪食的老公李家誠，則肥胖難減，一直增磅。

花瓶女星 vs葡國影后

嫁個有錢人是無數港女的夢想，徐子淇曾是她們的 role model，但自從去年殺出個梁洛施，兩年內為李澤楷誕下三子，生仔成就迅速拋離徐子淇。隨着她們的家族成員染指娛樂事業，兩位千億少奶的對決，戰線已由鬥生仔蔓延至傳媒王國。

放大圖片

徐子淇

放大圖片

梁洛施

《徐子淇 vs梁洛施》－徐子淇－年齡： 27歲 演藝事業：曾參演電影《誤人子弟》、《靚女差館》等，未奪獎項子女「產」業：育有 3歲長女晞彤、 1歲幼女晞兒家族事業：大伯李家傑擬收購 TVB－梁洛施－年齡： 22歲演藝事業： 07年憑《伊莎貝拉》奪得葡萄牙波圖國際電影節影后。子女「產」業：育有 1歲長子長治、以及一對 3個月大的孖仔。家族事業：男友李澤楷持有 Now寬頻電視，擁有百多條收費頻道，今年更申請免費電視牌照。資料來源：《蘋果》資料室


徐子淇昨日否認第三度懷孕，仍在努力造人。

徐子淇人言可畏唔敢睇周董

千億新抱徐子淇一直是不少女人羨慕的對象，不過她有苦自己知，為李家誕下兩名千金的她，為了家庭及名聲作出重大犧牲，就連欣賞周杰倫演唱會也不敢，怕被指掛住追星不湊女，難怪有說「一入豪門深似海」呢！

穿上四吋高跟鞋兼火辣紅色短裙的徐子淇身材fit爆，懷孕傳聞不攻自破。

昨日徐子淇和何潤東一同出席Sulwhasoo「雪花百家被‧祝願送溫暖」慈善活動，一直被傳再度有喜的子淇，穿上四吋高跟鞋兼火辣紅色短裙，以行動力證未有懷孕，她說：「我都想有好消息話畀大家聽，有咗都呃唔到人，因為我一個月就會見肚，而且鼻脹面腫，一睇就知，同埋呢啲嘢都急唔嚟，要睇個天。（係咪想追仔？）梗係想啦，好多人以為係老爺畀壓力我，但其實老爺一次都冇畀過壓力我，就係因為佢咁好，而呢個亦係佢嘅心願，所以我都好盡力。」

懷念拍劇日子

談及有傳李家將收購TVB做娛樂大亨，問子淇日後豈不多了出鏡機會？她笑說：「其實我都幾懷念以前拍劇嘅時間，大家對住幾個月，好似一家人咁，不過依家都冇時間啦，同埋老公都唔會畀，我依家連街都好少去，做咗媽咪就要有犧牲，乜嘢都要諗家庭先，好似早排我想睇周杰倫演唱會都唔敢去，怕畀人話我掛住追星唔湊女。」

子淇在大批保鏢開路下進場。

何潤東（左二）與子淇齊齊出席活動，大讚對方是他所見最漂亮的媽媽。

何潤東否認緋聞

同場的何潤東就否認跟大S（徐熙媛）的緋聞，記者笑問何解兩人不過電？他笑說：「未有時間深入了解，或者同大S一齊放個假了解吓！」談及擇偶條件，他說：「要孝順，有赤子之心同有自己理想，（唔可以拜金？）如果佢搵到錢拜自己金都可以，但唔好拜其他人嘅金，（拜你呢？）少少OK囉，我都冇咁多金畀佢拜！」他又大讚子淇是他所見過最漂亮的媽媽，而大S則是最美麗的單身女生。