朱茵一嚿雲 爭艾美視后
今個月踏入 40歲嘅朱茵，喺噚日率先收到勁爆嘅生日禮物，佢憑港台電視劇《沒有牆的世界之第三選擇》入圍第 39屆國際艾美獎最佳女演員，到時會同瑞典女星露美慧柏絲（ Noomi Rapace）同埋演過《哈利波特》嘅女星茱莉溫達絲（ Julie Walters）齊齊爭獎。朱茵噚日佢喺牛池灣見記者話：「我喺度發緊夢，今日接到電話入圍，晒頭有咩提名，呢部戲舊年喺芝加哥電影節已攞過銀獎，再有提名好開心，自己好似一嚿雲，好彩家有舞台劇排緊，唔係胡思亂想太耐就折磨我，有提名已經係中獎。」
放大圖片 
朱茵聽到男友大讚自己，即時冧爆仲流晒眼淚。
放大圖片 
黃貫中一向愛錫女友朱茵，難怪佢知道女友得獎差啲喊咗出嚟。 資料圖片
開心流淚
而男友黃貫中聽到女友獲提名後自爆差啲喊出嚟，佢為女友抱不平咁話：「以前啲人叫佢性感靚女，兩個字就講完，對佢唔公平，我以前都覺得佢係靚女唔識做戲，但睇住佢進步，今次提名已經好似得咗獎咁，總之我有運行，女友開心最大得益就係我，到時我一定會陪佢出席。」朱茵噚日聽到男友大讚佢時，佢哽咽話：「我第一個打畀佢，佢陪我行咗好多路，總之大家見到面乜都唔講就嚟個大擁抱。」 
競逐國際艾美獎嘅朱茵喺劇中扮演殘障人士。 劇照
朱茵問鼎艾美視后
入行20年的「性感女神」朱茵吐氣揚眉，有望揚威海外！她在本屆國際艾美獎中角逐最佳女演員，成為首位獲此提名的香港女星，她得悉喜訊後感動哽咽，並感激男友多年來的支持，相信這是朱茵今年最佳的生日禮物！
朱茵入行初期以清純形象俘虜宅男心，其後突破框框，搖身一變成為性感女神，並於99年憑《生命揸Fit人》中的破格演出提名金馬獎影后，可惜之後再沒任何提名，反而性感形象更深入民心！不過，即將踏入40歲的她，演藝生涯終有突破！
國際艾美獎昨日公布提名名單，朱茵憑電台單元劇《沒有牆的世界》之《第三選擇》提名最佳女演員，與《龍紋身的女孩》的瑞典女星露美慧柏絲、《Mo》的英國女星茱莉禾達絲、以及《Songs of Betrayal》的巴西演員Adriana Esteves爭視后，而她更是首位獲此提名的香港女演員，認真叻女！
驚到周屋騰
朱茵昨日綵排舞台劇《再見女郎》時，獲劇團同事獻花恭賀，談及提名感受，她說：「瞓瞓吓覺收到經理人電話，話恭喜我入圍，當時我如在夢中，直到經理人叫我上艾美獎個網睇，先知唔係發夢！由細到大都聽過呢個頒獎禮，知道提名後更加驚，緊張到喺屋企行來行去。」問到有否信心得獎，她說：「有提名當中咗獎！（出席下月28日喺紐約舉行嘅盛典？）如果可以嘅話都會去！」得悉喜訊後，她即時致電男友黃貫中（Paul）報喜：「佢陪我走咗好多路，由99年提名金馬獎，佢已經一路陪我。」當得悉Paul認為她付出很多卻僅被視為「性感演員」時，她即感觸落淚，更哽咽至講不出聲，定神後才表示要返家與男友「大擁抱」慶祝！
黃貫中險喊
至於Paul接受本報電話訪問時興奮大叫：「我有運行喇！因為女友開心，最得益係男友。」他坦言比朱茵更開心，並趁機為女友抱不平：「我亦曾幾何時以為佢係靚女，唔識做戲，但睇住佢逐漸進步，又敢於接受挑戰角色……作為演員，一直努力得唔到認同，內心會好痛苦，所以獲提名已經好似得獎，證明佢得到認同，亦係實至名歸！」其後他在微博報喜：「今天是我多年來最開心的日子，我愛人憑着《沒有牆的世界》獲提名艾美獎的最佳女主角，朱茵，終於有人懂得你是實力派了！我差點要哭出來，天開眼了！你比一切都重要。」
而與朱茵在《沒》劇中合作的張達明及唐文龍亦齊聲恭喜，唐文龍更激讚她演得很有心機，未埋位時經常揣摩角色。
第一手消息請瀏覽on.cc 東方互動《即時新聞》
專案組
有機會登上國際視后寶座的朱茵，在記者會上喜極而泣！
朱茵演活殘障人士的喜與悲，令人動容。
朱茵演技獲認同，黃貫中即時上載合照至微博恭喜女友，並自爆興奮得差點流下男兒淚！
留言列表
