被老實宅男封為新一代女神，事實上糖妹一啲都唔老實！作為唱作人，唱 K練歌無可厚非，但點解一入房就有堆歌排住隊畀佢哋唱？原來兩兄妹對 Apps勁有研究，靠部 iPad錄音、打機之餘，仲可出術隔空入定歌仔，連搵 Romote插歌呢啲老土動作都慳番，出街唱 K梗無蝕底。宅男們，老實地說句：很想要吧！記者：韓繼聰攝影：伍慶泉
其他副刊影片 揀定歌入房即唱
有人話「做嗰行厭嗰行」，問糖兄妹會唔會平時唱歌唱得多，冇乜興趣唱 K呢？鬼馬糖妹即時搶答：「唔會喎， K房個 Feel都唔同，又可以唱吓人哋啲歌，冇咁悶。」說罷已即時起勢狂唱。一街都係 iPhone同 iPad，各大商戶爭相推出自家 Apps，撈娛樂嘅 Neway就醒，率先推出點歌 App，糖兄妹作為 K場常客，即時扮專家介紹：「無論你喺街又好，等緊 K房又好，只要用呢個 App就可以揀定歌仔、編輯埋個 List，入到 K房輸入啟動碼就即刻有歌唱！」糖兄仲醒：「個 App入面有個『我的 iTunes』功能，曉自動偵測 iPad、 iPhone入面嘅歌，聽開嘅歌一點即播，好方便㗎。」呢個 App仲有個手寫搵歌功能，寫歌名或歌手都得，快過平時數筆畫多多聲！
放大圖片 
■糖妹示範 App點歌秘技，成個專家咁。
放大圖片 
■揀歌部份同平時用開嘅差唔多，「 K精」一定識用。
放大圖片 
■之前揀落嘅歌，就可以好輕鬆一次過點晒。
放大圖片 
■仲可以將歌星加入捷徑，方便選歌。
放大圖片 
■同你唱開 K個系統一樣，有歌星選曲功能。
放大圖片 
■入到房輸入啟動碼， App就可連接點歌系統。
《 Neway任你點》（ iOS，免費）
iPad當 Remote 偷講我愛你
除咗主打嘅選歌功能， App仲可以當埋 Remote用，插播、停播、重播樣樣有齊，以後就唔使爭 Remote用喇。嫌呢啲功能都係碎料？ App仲可以俾你打字喺屏幕上播放。「生日快樂」、「我愛你」乜都得，總之 iPad打字，電視即播，啱晒怕羞仔用嚟傳情達意玩驚喜！糖兄妹就即時示範打咗句「 I Love Sugar Club」支持吓自己先。
放大圖片 
■糖兄都唔弱，示範 iPad當 Remote用。
放大圖片 
■訊息速遞功能俾你打字上屏幕。
放大圖片 
■ App最下方箭嘴，就係 Remote功能同歌星捷徑。
放大圖片 
■一按傳送，電視即時顯示 Sugar Club，硬銷成功。
兄妹玩盡 Apps作曲好幫手 放大圖片 
玩咗唱 K新 App，糖兄妹平時最常用又有咩 Apps呢？原來係跟機預載嘅錄音 App。「平時一有作曲靈感，就即刻用 iPhone錄低佢，甚至夾 Band、唱 Demo都係靠佢，而且音質都算唔錯。」《語音備忘錄》（ iOS，免費）
糖兄喪玩卡 Game 放大圖片 
除咗音樂，糖兄同一眾男孩一樣鍾情打機，而當中最得佢歡心嘅就係《 Shadow Era》。糖兄興奮咁介紹呢個 Card Game App，話可以對電腦之餘，亦可以上網同人對戰，戰術變化多端，好刺激！《 Shadow Era》（ iOS，免費）
糖妹出街靠港鐵 放大圖片 
糖妹雖貴為宅男女神，但原來出入都係搭港鐵。「呢個 App可預知幾耐車程，仲教埋我邊個出口最近目的地，容易啲掌握時間。」宅男聽完後，大可多啲搭港鐵扮邂逅。《 MTR Mobile》（ iOS，免費） 
留言列表
