啞黑熱潮由街頭玩意席捲至各歐洲車廠，繼平治及寶馬後，今次輪到呢部 Ford Focus RS500。全球限量 500部的 Focus RS特別版，同樣大玩啞黑，本來青辣椒已夠辣，家加埋黑椒調味，誇張包圍及發黑頭唇，成功令呢部街霸的可惡辣相再升級。記者：許維雅攝影：譚盈傑Model： Cupid化妝： http://www.cupidpang.com
其他副刊影片 全球得 100架右軚
所謂「肥水不流別人田」，明知車主鍾意將大馬力車款改裝做啞黑色，不如自己賺埋，好多車廠近年都親自出手，推出啞黑特別版。舊年登場時以青綠色作為標記的 Ford Focus RS，原來後期喺歐洲都有推出一部名為 Focus RS500的啞黑特別版，由 Ford TeamRS親手打造。好多人誤以為 RS500代表 500匹，其實係全球限量 500部的意思，當中右軚版佔 100部，每部車更有獨立車身編號。好似呢部以水貨形式來港的，中控台就有鐵牌刻上 No.465/500，代表第 465部。車主 Philip由英國帶佢返嚟，全因睇好其叫座力：「喺歐洲玩改裝車， RS係數一數二嘅車款，加上佢喺 WRC（世界越野錦標賽）嘅戰績，一直有 Fans支持。呢部 RS500好罕有、外形靚，水位高都有人買。」車身表面貼上一層啞光黑色 foil漆面，令 RS臀部肌肉線條更突出，配埋誇張頭唇、大尾翼及限量版獨有的 19吋亮黑合金輪圈，更顯惡形惡相。
放大圖片 
放大圖片 
馬力提升 45匹
Ford要打造一部頂級街霸抗衡日產 GTR及掃把佬 WRX等辣車，內在提升就更重要。 TeamRS將 intercooler及空氣過濾箱加大，以增加空氣流通來提升散熱速度，再將排氣管直徑擴大，重新調校燃油泵及電腦，令引擎燃油及馬力輸出系統得以優化，成功將馬力提升 45匹至 350匹，扭力由 440Nm增至 460Nm， 0-100km/h只需 5.6秒，極速 265km/h。加強後不止令入彎的操控性加強，轉數去到三千以上時，爆發力明顯強勁得多，連網上都有片話佢戰勝 Subaru WRX，不過 Philip就話如果將馬力提升到 400匹就更無敵，但佢相信廠方依然有保留，要再加大力量應該問題不大，反而擔心無本事操控咁勁的頭轆車吧！廠方為確保谷大馬力後唔會影響耐用性，有三個工程師於德國紐堡林賽道跑 1萬公里作測試，以 8分鐘圈速不停跑了 500個圈，叫車主安心。
放大圖片 
■中控台的紅光按鈕於暗黑地方時仲靚仔。
放大圖片 
■中控台有鐵牌刻上 500部之中的第 465部。
放大圖片 
■ 19吋黑色合金輪圈襯紅色迫力卡鉗，一貫戰鬥格。
放大圖片 
■車尾有紅藍色 RS500字樣車章。
放大圖片 
■引擎谷大了 45匹馬力，更輕易帶來推背感。
放大圖片 
■負責代售的中華汽車阿君都大讚 RS500強化性能後，操控性更佳。
放大圖片 
■街霸唔少得的 RECARO跑車桶椅。
放大圖片 
■要增強穩定性，大尾翼起不少作用。
放大圖片 
■後座比想像中闊落，全賴頂部空間感足夠。
放大圖片 
■內櫳改用紅線點綴增跑味。
特製私家網頁 放大圖片 
http://www.focusrs500.com/
廠方特意幫 RS500整個私家網頁，除有 RS500的詳盡介紹外，更有大量圖片及短片下載，當中包括芬蘭籍世界級 Rally車手 Mikko Hirvonen親身於紐堡林賽道試揸，等車迷於網上慢慢細嚐呢隻黑辣椒。
Ford Focus RS500 放大圖片 
■啞黑色令圓拱形尾沙板及臀部線條更突出。
引擎： 2,522cc直五 Turbo馬力： 350ps/6,000rpm扭力： 460Nm/2,500-4,500rpm傳動：六前速手波前驅售價：待定查詢： 6030 0009（中華汽車） 
留言列表
