現年 73歲的謝賢（四哥），感情生活一向多姿多采，他先後與甄珍及狄波拉離婚，之後也曾與多個女友交往，直至 05年與比他年輕 47歲的上海姑娘 Coco拍拖，四哥的感情生活才穩定下來。過去四年多以來，四哥與現年 26歲的 Coco可謂有影皆雙，煙韌非常。不過昨日四哥卻自爆已跟 Coco分手，更指自己「俾女飛」。

放大圖片

73歲的謝賢與 26歲女友 Coco拍拖四年多，昨日他自爆二人已分手。資料圖片

放大圖片

王賢誌花了數萬元為四哥添置拍攝廣告的名牌服裝。

拒談分手原因

四哥昨日現身尖東香格里拉酒店，為王賢誌公司旗下健康食品古漢養生精拍新廣告，卻罕有地沒見到 Coco在場為他打點。記者問為何不見 Coco時，四哥故作輕鬆地說：「飛咗我囉！唔知點解啲人成日飛我，老婆飛我，女朋友又飛我。」記者笑指她們不懂欣賞四哥時，他笑說：「不知幾多人欣賞我，但唔知點解會飛我囉！」被問到為何遭 Coco飛起時，四哥不欲多言，只笑道：「隨時飛！你估我年紀大會欺騙人咩？」記者指他有辦法再交新女友，四哥無奈地說：「我冇辦法，睇天做人，天安排我點咪點囉！隨遇而安。」再追問分手原因，他繼續耍太極說：「我唔知點發生。」回復單身後感覺如何？四哥說：「我單身仲忙，好多嘢忙，一個人喺世界上有工作先得，你估我係有錢佬呀？退休唔使做！我就鍾意做嘢，快樂地做人。」四哥此番話，不禁令人懷疑他被女友飛的原因與錢銀有關。昨日見四哥穿着不少名牌拍廣告，他否認出動私伙，指全由王賢誌公司提供，他又笑說：「點會要自己貼呀？你估 TVB呀？要貼錢買衫？」此外，謝霆鋒前晚在第四屆亞洲電影大獎頒獎典禮中，憑《十月圍城》奪得最佳男配角，四哥表示未知如何跟兒子慶祝。記者指霆鋒早年也曾在香港電影金像獎中奪最佳新演員，四哥卻說：「香港呢啲都冇鬼用，排隊攞之嘛！今次大型啲，亞洲性，榮譽大啲！」採訪：何慧斯攝影：葉君海


感情生活一向多姿多采的四哥，自言多次被前妻及女朋友飛起。

謝賢被飛嘲CoCo唔識寶

謝賢（四哥）與女友CoCo拍拖數年，一直表現糖黐豆，惟兩人原來已情海翻波，四哥昨日驚爆已與CoCo分手，但他仍如常拍攝廣告，心情似未受影響，認真專業﹗



單身生活更忙碌



謝賢與王賢誌睇廣告拍攝的Playback，表現認真。



與霆鋒押後慶祝

年逾70歲的謝賢，昨日為其代言的「古漢養生精」，拍攝全新平面廣告硬照，身為三皇集團董事總經理的王賢誌（Vinci）亦前來探班。平時四哥出席活動或行街Shopping時，女友CoCo總會陪伴左右，但昨日未見女友蹤影。

問到為何未見CoCo？四哥驚爆二人分手消息，他說：「飛咗我囉，啲女人成日飛我，老婆又飛，女朋友又飛。」問到何時分手？四哥無厘頭說：「隨時飛，我畀人欺騙。（原因？）唔知點發生，唔知點結尾。（女友唔識寶？）係囉，但冇辦法，個天安排點就點，隨遇而安。」

謝賢驚爆已與CoCo分手。（資料圖片）



雖然四哥已與CoCo分手，但仍精神奕奕工作，Vinci亦對四哥表現讚不絕口。

四哥表示單身生活更為忙碌：「忙好多嘢，總之一日喺世上，都要有嘢做先得，退休唔啱我。」至於會否再拍劇？他說：「冇人請，我又貴又老。」記者指他仍是「新紮小生」，四哥開玩笑說：「唔係，紮咗就真。」

對於兒子謝霆鋒在前晚「第四屆亞洲電影大獎」，贏得「最佳男配角」殊榮，四哥表示：「未有機會慶祝，等啲後生慶祝咗先，我哋老人家押後。（滿意霆鋒表現？）應該喎，做得呢行，梗係搏老命，老竇都搏老命，佢唔係唔搏呀？」談到媳婦張栢芝五月臨盆，問到有否準備禮物？四哥說：「畀個心咪得囉，對物質唔太重視。」

雖然與CoCo分手，但四哥仍精神奕奕工作，更換上粉色服裝拍攝。Vinci對四哥表現讚不絕口，Vinci說：「冇得彈。（考慮搵埋霆鋒一齊拍？）好貴呀，亦都好難。」

文：專案組 攝：李柏儒

謝賢對兒子霆鋒獲「最佳男配角」感到高興。

謝賢畀女飛無損心情

謝賢昨日為代言的古漢養生精拍攝全新平面廣告硬照，對於兒子謝霆鋒得獎，他說：「未有機會慶祝，等啲後生慶祝咗先，老人家押後。呢個係大型頒獎禮，有好多部片參與，榮譽都大啲。（滿意霆鋒表現？）應該喎！做得呢行，梗係搏老命，老竇都搏老命，佢唔係唔搏呀？」談到新抱張栢芝五月生B，問到是否已準備禮物？他笑說：「畀個心咪得囉！對物質唔係太重視。」



謝賢透露與CoCo已分手。資料圖片

另外，謝賢與女友CoCo往日秤不離砣，但昨日未見CoCo陪伴，原來兩人已成「分飛燕」！謝賢說：「飛咗我囉！啲女人成日飛我，老婆又飛，女友又飛。（唔識欣賞你？）係囉！（幾時？）隨時飛，我畀人欺騙。（原因？）我都唔知。（唔識寶？）係囉！（搵個新？）真係冇辦法，睇天做人，隨遇而安。」他表示現時單身生活忙碌，未想過退休，至於前往探班的三皇集團董事總經理王賢誌，亦對謝賢表現有讚冇彈。

王賢誌（右）專誠探班，與謝賢談笑風生。