食譜意式生牛肉薄片伴羅勒醬 Ricky Cheung－明星靚相大分享☆

準備時間： 30分鐘
製作費用：$60

Ricky's home cooking

意式生牛肉薄片伴羅勒醬

2010年06月18日

除了 Pizza和 Pasta外，生牛肉片 Carpaccio都可算是意大利菜的經典之作。
它不單在當地極受歡迎，還影響了其他歐洲國家的廚師紛紛仿傚，各自創作出不同形式的薄片肉菜式，像龍蝦、帶子、吞拿，甚至用生鵝肝片做成的 Carpaccio都有。

小弟自問是生牛肉片的超級粉絲，所以對這菜式都有多少心得。
坊間不少餐廳為了令賣相吸引和方便製作，都會將原條牛柳肉圍成圓柱狀，預先放入急冰櫃雪至冰硬，然後用切片機把生牛肉刨成透光的薄片奉客。
這個做法當然慳水慳力，但牛肉經過雪藏會破壞肉質纖維，而且切得太薄會失去口感。
如果大家第一次食 Carpaccio碰上這樣的貨色就真係大件事，會以為這個經典名菜浪得虛名。
小弟今次誓要還佢一個清白，教大家用最傳統的方法製作這個菜式，擔保大家食過之後都會好似萬寧小妹妹咁講：「我有少少鍾意咗佢！」

Ingredients（一人分量）

橄欖油 150克
蒜頭(切片) 25克
羅勒葉 50克
鹽 2克
牛柳(1片) 70克
火箭菜 10克
茴香菜(切絲) 20克
車厘番茄(切角) 2粒
巴馬臣芝士碎(Parmesan) 10克

Tips

1不吃牛肉的可用薄切吞拿魚來製作這菜式。
2剩餘的羅勒醬可放入雪櫃冰格內保存三至四星期。

Steps

1攪拌器內先放橄欖油及蒜片，攪拌半分鐘至蒜片變成茸狀，加入羅勒葉及鹽再攪拌至成為醬汁，倒出備用。
2用保鮮紙將牛柳包好後拍成薄片。
3將牛柳片放在碟子上，掃上少許橄欖油，下鹽及黑椒碎調味。
4火箭菜、茴香菜及車厘茄下少許鹽，黑椒碎及橄欖油，撈勻後放在牛柳片上。
5最後將羅勒醬及巴馬臣芝士碎圍邊即成。