很多單身貴族、寂寞盛女,以及愛過二人世界的家庭都愛養寵物,更視為己出錫到燶,花盡心思呵護阿仔阿女。擁有兩貓的名模Kelly Fu是好例子。她常趁搭車等埋位或行街時,下載很多照顧寵物的免費apps,聽聽她的心水推介。

一站式寵物速遞
寵物用品速遞
售價:free
檔案大小:0.9MB
支援:iPhone、iPad、iPod Touch(iOS4.0版本或以上)


Bebe腸胃唔好,只可食同一款貓糧,我通常託朋友買。此app提供17個品牌的貓狗糧選擇,都有Bebe食開的牌子,但唔同款,我暫不敢給牠試。但我卻常訂購日用品、玩具和零食,通常1至3天有貨,試過今日落單,翌日早上就送到;不過我住港島區,每次需買滿$300才送貨,九龍新界買滿$200便可,不收運費。收貨時,以現金即時交收,唔怕被竊取信用卡資料,可放心!

真貓發聲相機
iPet Photo 售價:free 檔案大小:10.2MB 支援:iPhone、iPad、iPod Touch(iOS4.0版本或以上)


平日跟Bebe拍照通常擰歪臉走,最近朋友介紹我用iPet Photo,app的相機鏡頭會發出真貓狗叫聲,如溫柔的「喵喵」叫,好似叫緊Bebe咁,幾逼真。不過貓狗叫聲無分動物品種,只重複播放一種聲,只要Bebe分唔出真聲定假聲,就得啦!發現牠最like狗吠聲,幾乎每次都有反應,會轉下頭搵聲音來源,幾work㗎,以後唔使再用玩具引誘牠。

定位帶路 睇病扮靚
Pet Guide 售價:free 檔案大小:13.3MB 支援:iPhone、iPad、iPod Touch(iOS5版本或以上)


每隔一個月,我會親自跟Bebe沖涼和剪指甲,有時也會帶牠出去扮靚嘆spa。此app提供多間獸醫診所及美容店地址、電話等資料,最重要是有GPS功能指示位置,啱晒路盲!有次Bebe凌晨發燒唔舒服,又聯絡唔到相熟醫生,我很焦急,幸好醒起可用app search,即時找到附近有24小時獸醫診所,用埋GPS功能,馬上飛車導航趕去,位置準確無去錯。

放狗專家
Walk Dog 售價:free 檔案大小:3.7MB 支援:iPhone、iPad、iPod Touch(iOS3.0版本或以上)


我以前都有養狗,冇養之後才發現此app。跟「Pet Guide」的用途和用法大致相同。提供搜尋功能如扮靚美容店、獸醫診所,最特別是有「放狗去處」搜尋功能,方便狗主搵地方放狗,我有介紹給狗主朋友。另外,仲有提供狗隻資訊,分為大狗、中狗及細蚊狗3大類,各有10款品種以上,每款品種有齊產地、身高、體重、壽命、特性等資料,想養或了解狗隻就啱晒。

貓仔Bebe小檔案
年齡:5歲半,仔仔品種:美國捲耳貓特性:擁有一對捲曲的耳朵,中等身形,灰白色,中長毛。性格溫馴、勁嗲。 ####


所有產品全天然、有機如Artemis、Burns、Canidae,經本地特約代理商或美國生產商直接入口,唔怕水貨假嘢。每月更新資料,如介紹新產品、推介產品等,售價大致與市面相同,部分更平幾蚊。


我發現有收費(售價US$0.99)的Pro版,雖然提供5種聲效,有雀仔、狗、青蛙、黑猩猩及狼叫聲,但有幾多人養黑猩猩和狼呢?好廢囉。


用時只要揀好聲效,按下「拍照」鍵開出鏡頭,即不停播放狗吠聲,Bebe都被吸引,望實鏡頭。


版面以地區區分各診所及美容店位置,嘗試找過我相熟的獸醫診所和美容店,資料齊備。


結合GPS功能指示位置,在400米範圍內,都準確。


版面設計色彩鮮艷,很搶眼。首頁提供各狗種的資料和特性,極具資訊性。


想搵附近的放狗地點,一目了然,亦有「GPS」功能帶路,但地圖以標籤顯示,有時標籤太密,按幾次才感應到,唔夠敏感,但整體OK。

    stacylife 發表在 痞客邦 留言(0) 人氣()