恭喜恭喜，今年 6月在加拿大秘密結婚的林嘉欣，上周五（ 15日）於溫哥華為丈夫袁劍偉產下 6磅半 B女 Kayla。原來，嘉欣一直希望自然分娩，親嘗生 BB的感覺，可惜臨盆前 BB臍帶纏頸，她惟有即刻開刀。嘉欣昨日接受本報電話訪問時說：「雖然有少少失望，唔可以體會到順產嘅感覺，不過最緊要係 BB嘅安全。」
其他娛樂名人影片
現年 32歲的林嘉欣於加拿大溫哥華時間上周五（ 15日）開刀產下 6磅半 B女，母女平安。剛榮升媽咪的嘉欣，昨日在溫哥華接受本報長途電話訪問，大談初為人母的感受。雖然嘉欣生完 BB已有一個星期，但因為她開刀後傷口不時隱隱作痛，以致說話時氣若游絲。
臍帶打棘急急開刀
嘉欣說：「 BB係女嚟嘅，出世重 6磅 8安士。我係上個星期五 15號生嘅，起初想順產，甚至諗住唔打麻醉針、唔整止痛，用最天然嘅方法生 BB，但後尾都有少少問題，因為見到 BB嘅臍帶棘咗條頸一個圈，臍帶壓住條頸，都幾危險，所以醫生就『拿拿淋』幫我開刀生個 BB出嚟囉。自己有少少失望，唔可以體會到順產嘅感覺，不過我覺得最緊要係 BB嘅安全。」由於剖腹產女，嘉欣表示傷口現時仍隱隱作痛。她說：「當日麻醉藥一過，傷口就好痛，之後我郁一郁身，甚至打個乞嗤，傷口都會痛，家情況已經好咗啲。」記者問嘉欣 BB是否早產時，嘉欣表示並非早產，而是跟預產期差不多。
放大圖片 
早前在加拿大秘密結婚的袁劍偉拖實大肚老婆嘉欣散步，享受幸福的二人世界。 《忽然 1周》圖片
放大圖片 
身為嘉欣契媽的潘迪華已榮升契婆，她上周接獲嘉欣的報喜電話，開心不已。 資料圖片
眼細腿長似足爸爸 放大圖片 
天線得得Ｂ
昨日嘉欣傳送了兩張 B女照片給本報，雖然嘉欣認為女兒眼睛細長似爹哋袁劍偉（ Steve），但記者卻覺得 B女與媽咪尤如餅印一樣。照片中 B女豎起兩手手指，戴起帽子，十分可愛，連嘉欣也忍不住笑說：「似唔似天線得得 B？」談到初生女兒，嘉欣越講越興奮，她說：「佢嘅長度身高有 50cm，即係 20吋，啲姑娘就同我講話普遍 BB係 18吋，從來未見過超過 21吋，所以佢 20吋係比較屬於手腳長、比較高大嘅 BB，我聽到都好開心，因為遺傳咗佢爹哋嘅身高囉。」記者指 B女長大後可以做 model，嘉欣聞言即笑說：「唔會啦，咁辛苦！除非佢真係個人興趣就冇辦法。」初為人母感覺如何？嘉欣說：「感覺係：『乜個 BB係喺我個肚出嚟 o架？』一個生命嘅誕生，無論我望住佢又好、餵佢食人奶又好，感覺都係好 warm、好開心、好奇妙。」嘉欣表示，現時 B女每兩小時便要餵奶，由於加拿大沒有工人，她便與丈夫分工合作，嘉欣說：「佢負責換片，我負責餵奶。」問到嘉欣生 BB當日，其廣告導演丈夫 Steve有否入產房拍片？嘉欣說：「喺加拿大開刀係唔可以拍片，當日佢有陪我入產房，我開刀嗰陣佢企咗喺塊布後面，開完刀之後，佢就幫手剪臍帶，跟住 BB磅重冲凉嗰陣佢先至可以拍片。」
帶 B女返港探親友
嘉欣父母現身在加國照顧坐月的女兒，問嘉欣可打算帶 BB返港時，她說：「都想呀，但係家都未夠一個星期，我覺得太細個呀，我諗最快都要等明年囉，因為佢（ BB）有好多親戚朋友喺香港，個個都想抱佢。」身為嘉欣契媽的潘迪華，原來日前已接獲契女喜訊，昨日她在電話中說：「佢早幾日打咗電話畀我，知道佢生咗，我當然戥佢開心啦。但因為我呢幾日身體唔係好舒服，未同佢詳談，遲幾日我會打電話畀佢。」採訪：戴彩煥 
林嘉欣和袁劍偉的寶貝女 Kayla上周五於溫哥華出生，面圓圓的她戴起ＢＢ帽，可愛表情似足天線得得Ｂ。
姓名解碼埃及女神降世
林嘉欣於上周五（ 15日）為丈夫袁劍偉誕下 B女，並改名為 Kayla，與母親的名字 Karena相若，也有流行語「 okay la」的意思。至於 Kayla一字也有着純潔、受人痛愛的意思，也是古埃及其中一位女神的名字。原來 Kayla的名字在美國非常普遍，主要因為當地一齣長壽肥皂劇《 Days Of Our Lives》中的人物 Kayla Brady（ Mary Beth Evans飾）相當出名的緣故。至於女兒的中文名，嘉欣表示仍在構思，因她希望女兒的名字廣東話和普通話讀音都要好聽，所以改中文名的責任由夫婿代勞。
與晶晶同日生
另一方面，不少娛圈知名人士也於 10月 15日生日，包括鄧麗欣、林志穎及任葆琳等，而盛傳將嫁入豪門的跳水王后郭晶晶，也於 10月 15日出世。 
林嘉欣的女兒與跳水王后郭晶晶同日出世，未知將來可會一樣有傑出成就。
嘉欣：冇話過退出
林嘉欣早前約滿星皓公司，今年 6月在加拿大與導演袁劍偉結婚，隨即傳出她為愛情息影的消息。不過嘉欣昨日在電話中親口否認息影之說：「復出？其實我從來都冇話過退出。我不嬲都係有興趣就會接，冇乜興趣就會選擇適當生活。」剛剛誕下 B女的她，為了家人着想，暫時不會拍戲，她說：「目前嚟講，我都係以小朋友為重嘅。因為譬如我哋拍戲，一走就幾個月，咁真係唔係好值得，佢（指 B女）家太細啦。」
兩片連環上映 放大圖片 
嘉欣在《唐吉可德》中不但以古裝美女造型亮相，還有一場反串做書生。
林嘉欣仍有兩部電影準備上映，其中她拍攝的古裝 3D電影《唐吉可德》，下周四（ 28日）正式在港上映。至於另一部與陳奕迅及謝安琪合演的《戀人絮語》，則於下月 25日上映。採訪：戴彩煥 
在《戀人絮語》中林嘉欣演已婚婦人，因戀上陳奕迅而煩惱。
留言列表
