PS Vita PSV 起錶$2,280　兩大咪神爭住捽－明星靚相大分享☆

PSV起錶$2,280　兩大咪神爭住捽

要數今年「機界」最亮焦點， PS Vita自然當之無愧。由年頭講到年尾，見又見過，玩又玩過，就係遲遲未知香港幾時有得賣。就喺日本公佈當地發售日後一個月，香港機迷終於等到！ SCE今次仲請嚟兩大女神，娜姐同高 Ling，齊齊公佈 PS Vita將於 12月 23日亞洲遊戲展首日發售，最平$2,280有交易！記者：韓繼聰攝影：楊錦文

其他副刊影片 3G版唔使三千　開機介面公開玩放大圖片
■高 Ling玩《全民高爾夫 6》玩到唔停手，超投入。

■高 Ling玩《全民高爾夫 6》玩到唔停手，超投入。

除咗$2,280嘅 Wi-Fi版， PS Vita亦有$2,780嘅 3G版，但香港就無好似日本咁公佈埋 3G嘅合作夥伴同月費計劃等。不過一直只係可以試玩 Games嘅 PS Vita，今次嚟到香港就終於可以親手玩吓開機介面。開機後用手指由右上角一拉，即可見到不同程式，一般聽歌、睇相、相機當然有齊。而今次亦有得試玩「 Welcome Park」，俾你熟習 PS Vita嘅各種操控之餘，其中的「 Hello Face」更可將一切類似人臉的東西變成卡通，同你講嘢，超得意！作為新世代遊戲機，除遊戲外，更強調與其他人互動溝通，今次發佈會就首次示範咗 twitter應用。但當然打機先係正題，大會就公佈將會有 14款遊戲喺香港同 PS Vita同步推出。《 ULTIMATE MARVEL VS CAPCOM 3》、《 Uncharted:Golden Abyss》、《全民高爾夫 6》當然係重點，但稍後推出嘅《 Reality Fighters》喺今次會上亦相當矚目。除咗將真實人樣輸入創作角色外，對戰時亦結合 AR擴增實景玩法，加上超高創意嘅必殺技，玩法相當新穎有趣！

放大圖片
■ PS Vita再次現身香港，並公佈售價。

■ PS Vita再次現身香港，並公佈售價。

放大圖片

放大圖片
■首次可以試用的程式介面。

■首次可以試用的程式介面。

放大圖片
■試用相機，效果不俗。

■試用相機，效果不俗。

娜姐愛自拍　高 Ling愛捽背放大圖片
■娜姐在台上已忍唔住要用 PS Vita玩自拍。

■娜姐在台上已忍唔住要用 PS Vita玩自拍。

今次發佈會除咗請嚟兩大女神，陳奐仁同陳喬恩亦同時登場，而娜姐陳奐仁更一個捽碟一個 Rap打頭陣。就連 Game Girl都由一線模 Evelyn、 Anjaylia、 Dada等擔任，認真落重本！玩完一輪，高 Ling就話最愛 PS Vita個芒夠大，加上前後都有觸感操控夠晒新鮮，仲話買畀細佬做今年聖誕禮物啱晒！而娜姐就話最鍾意佢有前鏡頭，最啱佢玩自拍，見佢喺台上已經忍唔住要影番張就知喇！大會除咗安排大量 PS Vita及不同遊戲俾嘉賓試玩，亦展示咗一系列配件和包裝。機迷們，仲有兩個幾月，儲定錢，好快有得玩！

放大圖片
■場中展示了一系列配件，而配件套裝則包括保護殼、保護貼、卡盒、手繩及擦布，套裝價$250。