各位芒亨迷終於等到喇！ PSP版芒亨 3（ Monster Hunter Portable 3rd）終於落實 12月 1日推出，好心急想玩其實都唔使等到 12月嘅，芒亨 3已經推出體驗版，不過就需要輸入密碼先可下載，不過我哋今日就預備咗 100個體驗版密碼給《蘋果》讀者，等大家搶先屠龍！記者：許福合攝影：林栢鈞Model： Hailey@PureModels
其他副刊影片 放大圖片 
■毒狗龍
放大圖片 
■雷狼龍
行版詳情
香港行版芒亨 3定於 12月 1日推出，售價$328，當中仲會附送 72頁全彩說明書，而且仲係中文及日文各一本，唔怕唔識睇啦！最過癮仲係送張 MHP3rd屏幕清潔貼，唔用嘅時候可以吸住 PSP機身，大小仲與 PSP機背個圓圈一樣，勁方便。
放大圖片 
■ 12月會加推 PSP保護 Case套裝，當中包括 PSP同 UMD Case、主題貼紙同掛繩。
放大圖片 
■ MHP3rd屏幕清潔貼，大小剛好係 PSP機背個圓圈。
Michael 放大圖片 
芒亨發燒級玩家兼專家，由第一代芒亨就忠情此作品，基本上任何武器到佢手，都能熟練自如，強項弱點如數家珍。
體驗版遲到
這隻芒亨 3體驗版，剛在星期三放出來讓玩家下載，不過因為比原定嘅時間遲咗，結果香港 Capcom這天電話就一直響個不停，玩家狂追問究竟幾點可以下載；最後在當日下午 4點先至上架，不過因為大量玩家同時下載嘅關係，體驗版才 141MB，但最低消費都要成個鐘先至可以下載完成！入到遊戲，會見到有體驗版嘅字樣，任務就只提供初級同上級，初級就係羅亞魯德羅斯，地點係孤島，而上級係亞種波爾波洛斯，場地係凍土，任務時間為 20分鐘。我哋搵咗由第一集芒亨就開始玩嘅專家 Michael試玩，佢就覺怪物嘅難度同以往分別不大，不過需要有唔同技巧，反而遇上獨行怪要注意，容易被佢難倒。
放大圖片 
■體驗版只提供初、上兩級任務，時限 20分鐘。
放大圖片 
放大圖片 
■入 Game就會見到體驗版字樣。
放大圖片 
■因體驗版遲到，大量玩家同時下載，令到大塞車。
可連線對戰 放大圖片 
■新武器斬擊斧分別有斧及劍形態。
武器方面，芒亨 Fans熟悉嘅武器都用得番，而且仲見到可以變形嘅斬擊斧（斧刀），雖然感覺上打起嚟鈍鈍哋，不過特別在於有兩種形態，在斧形時攻擊力很大，而轉到劍形時命中率就比較高，亦比較容易打出連擊，但要花時掌握距離。另外仲要一提，今集可以帶兩隻輔助貓，絕對係打怪好幫手！體驗版內已經提供有 2至 4人連線合作，適合用嚟挑戰難度較高嘅上級任務；可惜體驗版玩唔到新增嘅優克摩村，防具等能力值都未能睇到，不過睇討論區玩家評語，基本上都一致期待正式版推出！
放大圖片 
■難度其實同上集差唔多，但留意怪物動作閃避。
放大圖片 
■雷狼龍戰鬥時會形成「超帶電狀態」，以雷擊技戰鬥。
Profile
主機： PSP類型：動作廠商： CAPCOM連線人數： 2至 4人推出日期： 12月 1日遊戲售價：$328
送 100個體驗版 放大圖片 
作為芒亨 Fans，點可以唔試呢隻體驗版，我哋今日就預備咗 100個體驗版密碼送出。只要答中以下問題，將答案連同回郵信封寄往：將軍澳郵箱 65264號，信封面請註明「《蘋果日報》 Monster Hunter 3rd」，便有機會得到。遊戲獎品先到先得。（如有任何爭議，最終決議權歸 Capcom Asia，《蘋果日報》概不負責。）
問題：到網上《蘋果網睇片》，片段最後出現多少部 PSP呢？
留言列表
