VW Touran Golf 變大型 MPV　順滑教條 @ 明星靚相大分享☆

VW喺香港新鮮熱辣出咗架 Touran，走小型七人車格局，賣相似足六代 Golf GT，今番再度變臉，加碼變成大型 MPV，不但行車暢順無聲，仲有滑趟雙電側門，同埋易摺易推百變座椅，可謂將順滑教條演繹得淋漓盡致。記者、攝影：徐影龍　鳴謝： Volkswagen HK

揸同坐都咁順放大圖片
■天窗尺寸大得如天幕般，增加車內開揚感。

■天窗尺寸大得如天幕般，增加車內開揚感。

剛喺德國實試完呢款 Sharan，估唔到已火速喺本周末在港正式發佈。數數手指， Sharan距離第一代足足相差 15年，中間雖有多款 Facelifted版出現，但論變面同齊料，呢架第二代車絕對係大躍進。除咗賣相跟另一款 Touran同樣酷似六代 Golf及坐足七人外， Sharan最明顯分別係尺寸加大，長度比上一代足足增長 220mm，整體長度近 4.9m，你可以想像，車內坐齊七人仍然好鬆動，打機睇書瞓覺毋須互相遷就，各自各精采。驅車搵靚景影相，喺距離德國禾夫斯堡約 1粒鐘車程，嚟到寧靜嘅 Celle市，試車期間已感覺車身嘅寧靜， TSI引擎靜靜發力，並無打擾遊車河嘅雅興，令人有種一路順風的好心情。以教堂取景，由遙控雙電趟門，到將百變座椅翻來覆去，甚至將隔網、雜物拉架又拆又裝，全程輕鬆得無半點雜音，破壞現場神聖嘅氣氛。由駕駛到使用層面， Sharan都充滿好 Smooth嘅特性，比好多同級 MPV更好玩。

放大圖片
■中排座椅可抽起貼實前排椅背，方便後座乘客上落。

■中排座椅可抽起貼實前排椅背，方便後座乘客上落。

放大圖片
■雙電趟門又靜又順滑，開啟幅度貼近中排座椅，上落都咁輕鬆。

■雙電趟門又靜又順滑，開啟幅度貼近中排座椅，上落都咁輕鬆。

座椅變完美平台放大圖片
■駕駛艙佈局偏向成熟穩重，小量木紋飾板增添豪華感。

■駕駛艙佈局偏向成熟穩重，小量木紋飾板增添豪華感。

車廂佈局一如所料，全皮櫳全皮 Seat，豪華感不俗，屬老細級大型 MPV格局，七個位輪流試坐，包括最被人忽略嘅尾排位置，全都具有一種久違嘅闊落感，對我呢啲六呎高佬嚟講，點可能唔畀番個「 Like」佢。由於座椅較大及重，不可能像細佬 Touran咁拆走張凳，但百變座椅嘅靈活組合，仍然令人驚喜，拉一下掣就可推動或摺低，甚至可將中排整張抽起貼近前排椅背，變成尾排嘅上落走廊位。最正係中後排放平嘅「終極變身」，摺低座椅後，可反起兩塊遮板，將座椅凹凸位完全遮蓋，變成攞間尺度都無咁平嘅完美 Platform。其他豪華設備尚有電動大天窗、踩 Brake熄偈、 Keyless同輕觸屏幕等，車價理應不菲，不過以 VW HK「先聲奪人」嘅慣例，首批車價應該幾可觀。期待本周末到港嘅右軚同 DSG版本，再以複雜繁忙嘅香港路面詳細實戰一下。

放大圖片
■錶板看到引擎自動開關系統，知道慳咗幾多油。