地點：九龍城／時間：3月6日

最近少咗蒲頭嘅陳鍵鋒，原來早排返咗橫店拍劇，不過有工開梗係好，可惜套劇撞正喺農曆新年前拍，天氣又唔好，搞到佢冇得返香港過年。睇住人哋拍完可以返屋企，即刻引發起思鄉病，佢仲講笑話：「我嘅心理都有啲唔平衡。」

早前辣妹去九龍城食飯，竟然撞到陳鍵鋒，當時雖然得佢一個人，但睇佢神情輕鬆，仲笑容滿面咁，啲思鄉病應該好番晒，但辣妹居然見到佢去「執藥」喎。

佢入咗一間中藥舖後，只見佢向櫃面個職員講完一輪，跟住個職員就咁點頭，然後叫佢等一等，於是個職員就去攞藥，而佢就喺店內踱步。

未幾，佢見仲未執好，又悶悶啲，於是發揮佢嘅Nice本色，周圍搵人搭訕。佢連櫃枱另一個職員都唔放過，二人仲有說有笑，傾得好似好投契咁。不過辣妹一睇，原來個職員係男人，仲要係個阿叔添，可見陳鍵鋒份人真健談。

吹完一輪水，個職員終於執完藥返嚟，於是陳鍵鋒就喇喇聲俾錢。踏出門口一刻，雖然佢只係拎住一個袋，但入面已經有一個禮拜嘅「劑」量，佢唔係心理唔平衡到要食中藥調理呱。

後尾辣妹問番個職員，原來佢拍劇?排因為天氣太凍冷親，搞到返嚟香港啲感冒都未清，咪執番幾「劑」藥調理下身子囉，諗多啲添。


佢個袋有成六、七包藥，睇嚟佢病情都幾嚴重，都係快啲返屋企煲藥啦！


陳鍵鋒向職員講解咗自己嘅問題後，就在店內等藥，但等得悶，索性周圍參觀。


行嚟行去都唔係辦法，為免阻住人，佢索性搵人吹水，又傾得幾開心喎。


個職員執完藥，即時同佢計數，陳鍵鋒即攞出銀包俾人走人。


陳鍵鋒上車後，起初以為佢揸車返家，點知佢駛咗去九龍塘停車場。




原來佢約咗人食飯，咁又係，病都要食飯嘅，唔好咁操勞就得喇。

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄