每年 PMA或 Photokina相機迷都特別興奮！不過從今年開始會多一個大日子，就係 CP+！前身係叫 Photo Imaging Expo嘅小展，今年升呢成世界級展覽；以日本相機廠為主導，齊集日本橫濱參與首屆 CP+，並展出唔少新機，大家焦點係 Panasonic Lumix DMC-G2，過癮之處係可以學 iPhone咁玩芒！記者：許福合攝影：黃子偉
放大圖片 
■ CP+與好多展覽不同，首日即公開入場，你話有乜辦法唔逼爆？
放大圖片 
■知大家睇機、影機辛苦，會場竟提供抹機、清潔鏡頭服務，日本人果然體貼！
放大圖片 
■除新機， Canon以及 Nikon等連古董機都 Show埋，相機迷開心死！
放大圖片 
■ SONY做乜宣傳世界盃？原來唔係 Sell腳法，係叫你試相機連環快拍！
直感操作一篤即拍
Panasonic今年焦點玩單鏡機，展位 Show Girls落足力周圍搵人試機！人氣新機係剛公佈嘅 Lumix DMC-G2；齋睇外表，會覺得同 G1差唔多，不過現場試玩觀眾，個個大讚佢個 3"觸屏勁過癮！基本揭起、拉出、反轉功能一定有，但方便在大部份操作，都可直接從屏幕點選，例如可以直接點選對焦點，再一篤即拍，當快門咁用！以往傳統相機要更改設定，一般要入 Menu慢慢搵； G2則簡單打開 Q.Menu，再揀要用嘅功能圖示，就可在屏幕更改設定，例如想改變快門和光圈，可以直接用手指在屏幕上左右移動標尺，完全係直感操控！
放大圖片 
■機身有紅、藍及黑三種顏色。推出日期：未定
放大圖片 
■鏡頭仍然採用 Micro 4/3加換鏡設計。
放大圖片 
■直接拉動快門光圈標尺，就可以更改設定。
放大圖片 
■向左或右拉動相片，就可以轉上或下一張。
放大圖片 
■篤落相片時，可以局部放大，最高係 16倍！
放大圖片 
篤住睇相放大 16倍
當 G2要番睇靚相，更可學似 iPhone咁向左、右拉，實試感覺幾順暢，完全唔窒，唯一可惜係無 Multi-Touch，唔能夠單靠兩隻手指將相片縮放，不過都仲有計，想睇邊個位，篤落去就會 Zoom近，最高 16倍！連眉毛都睇得清清楚楚；放大後再用手指篤住張相，就可以上下左右移動，真係學到 iPhone七成火候！ G2仍然使用 Micro 4/3系統，焦長轉換為 2×，有效像素為 1,210萬像素， ISO則提高到 6400，據講改善咗雜訊控制，相片較滑淨，不過現場唔準插卡試相，未知相片效果如何！拍片質素係 720P，立體收音，可外接咪；支援 SDXC，可有更高儲存量拍攝影片。
新機 Snapshot30倍巨炮 兼錄高清
Fujifilm推出一款新炮王── HS10！勁玩 30倍光學變焦（ 24-720mm），同時亦兼備 10fps高速連拍能力；拍片更勁！除 1080p@30fps高清攝錄外，連國家地理級、 1,000fps高速錄影都撈埋！
放大圖片 
■外表睇 HS10平平無奇。推出日期：約４月
放大圖片 
■ 30倍變焦，竟連 24mm廣角都玩埋。
留言列表
