23歲的許廷鏗（Alfred）09年參加無綫《超級巨聲》一炮而紅，獲無綫和唱片公司「星煥」力捧，星途本來一片光明。可惜上月被影到與同性友人深夜在公園親熱後，即被公司照肺，馬上將他放入雪櫃。據知許廷鏗主持的節目被抽起、慈善大騷冇份、廣告更停播，就連無綫極為重視的亮燈儀式都冇份唱歌。上周六（22日）許廷鏗出席公開活動時，回應被雪一事表現驚青，要搵唱片公司經理人代答。被斷背疑雲拖累的他，睇嚟要解凍先要戒男。


無綫舉辦的《超級巨聲》已到第三輯，芸芸參賽者中，只有《巨聲2》冠軍林欣彤和第一輯獲得《最強人氣獎》的許廷鏗（Alfred）受到力捧。許廷鏗更獲星煥唱片公司睇重，6月率先推出個人大碟。

樂小姐下令雪藏
人紅自然受注目，上月底許廷鏗被影到與男友人深夜流連公園，他更瞓友人大腿及疑似接吻。事件曝光後，無綫製作資源部總監樂易玲立即召許廷鏗解畫。知情者透露：「嗰日Alfred放學即趕返電視城見樂小姐，傾咗個幾鐘，見佢無厘心機行返出嚟。樂小姐嬲到震，之前雜誌寫Alfred同張敬軒斷背，公司都以為佢兩個係唱得之人所以特別投契。今次樂小姐講明事態嚴重，要雪Alfred三個月，等件事淡化後再算。」早前同樣被踢爆疑似斷背的《巨聲3》參賽者王子杰與李家聰，亦即時被無綫照肺，「Alfred單嘢做咗反面教材，之前俾雜誌出咗啲情慾相嘅王子杰同李家聰，都即時被訓話，叫佢哋私生活要檢點啲，私人相唔好亂俾人睇，要收好。」

刷牙歌停播
由於形象健康兼讀牙醫出身，醫管局早前搵許廷鏗拍刷牙廣告，可惜最近已被卡通人物取代了。

《仁愛》冇影
上周六（22日）的《善心滿載仁愛堂》再次有齊巨聲幫，連身在廣州拍戲的林欣彤都專登返港出席，不過許廷鏗冇份。

去咗擦蟹
經理人Carol話許廷鏗有工作在身而未能出席仁愛騷，不過記者在微博發現，當晚原來他約了好友鄧小巧去食大閘蟹。

TVB亮燈冇份唱
台慶一年一度的盛事，許依然有份出席，雖然有得企第一行嘅最邊，不過巨聲幫表演就唯獨冇佢份。

搵經理人擋駕
無綫即時暫停再為許廷鏗接新job，部分舊有的工作同樣抽起。早前許廷鏗遠赴印度拍攝的特輯，原本安排今個月播出，現已改由《巨聲1》孖仔周志康、周志文主持的《西湖》頂上。至於台慶亮燈儀式，許廷鏗雖然有份出席，但巨聲幫的唱歌環節，他只呆呆站在後排做布景板。此外早前被政府宣傳部點名要許廷鏗接拍的刷牙廣告，在疑似斷背新聞曝光後亦已停播。上周六（22日）許廷鏗在九龍灣出席活動，記者上前問回應，他即慌忙搵經理人Carol擋駕，結果整個訪問都由經理人代答。被問到刷牙廣告被抽起和亮燈儀式無份唱歌時，她回應：「個廣告仲有播緊呀！（真係停播咗喎！）唔係，我仲見到有。亮燈嗰日佢都在場。（但冇份同巨聲幫一齊唱歌？）因為冇時間綵排。（仁愛騷都冇佢份？）公司安排咗嘢俾佢做。（無綫要雪Alfred？）唔會囉，佢要返學，配合到時間嘅活動我哋都會安排。（巨聲幫都收到order要將私隱收好？）由簽約開始已經同佢哋講明，私隱嘅嘢當然要收得好啲。」事後Carol再致電記者補充：「其實個刷牙廣告宣傳期已經完咗，所以冇咗。佢最近錄緊新碟，又要返學，先冇時間接其他嘢。」雖然遭無綫放入雪櫃，但許廷鏗仲有唱片公司力撐，三個月好快過啫！

同性相吸
讀牙科的許廷鏗年青有為，外貌亦討好，理應有唔少女性埋身，但每次被傳媒影到佢行街食飯，身邊都係全男班，大家開始懷疑許廷鏗的性向。直至9月尾被雜誌影到他與男友人在公園疑似咀咀，令事件鬧大。不過事後許廷鏗堅稱係角度問題，唔認斷背。 ####


無厘神氣現身上周六（22日）許廷鏗出席早已接落的萬聖節活動時，眼神落寞，與以往出席活動表現活潑的他，判若兩人。


騰雞回應記者埋身訪問初期，許廷鏗完全唔敢郁，而且目定口呆，不久即向經理人Carol求救。


經理人代答經理人Carol即為許廷鏗解圍，有問必答，反而企在旁的許廷鏗則甚為尷尬。


出事前力捧今年8月許廷鏗獲頒金唱片，樂易玲和唱片公司高層Herman齊齊撐場，可見其受力捧程度。


同是巨聲幫的胡鴻鈞、吳業坤和陳慧敏都承認已收公司指示，要注意自己形象，務必將私隱保密。


許廷鏗以做音樂為名，最近經常與張敬軒見面。軒仔連十幾萬的私家咪都借給許廷鏗用，許一度被懷疑介入張敬軒與關智斌之間。


許廷鏗就連行街買衫，都有同性密友陪伴，但身邊男友人次次唔同，佢都幾好人緣喎！

arrow
arrow
    文章標籤
    斷背 疑雲　許廷鏗 遭 照肺 雪藏
    全站熱搜

    stacylife 發表在 痞客邦 留言(0) 人氣()

    E-mail轉寄