日前倫敦的矚目焦點，除了車路士對阿仙奴打吡戰外，還有於ICC London ExCel會展舉行，一年一度的Nokia World。一如以往，活動吸引了世界各地超過3,000人到場；而今年最令人期待的當然是Nokia推出的Windows Phone，新型號名為Lumia 800及Lumia 710，同樣以繽紛色彩做賣點，感覺好Young，配合埋WP的變色Live Tiles以及一系列Monster襯晒色嘅耳機配件，絕對有料又有款！
八個月前，Nokia宣布與Windows Phone合作，不過新機久未現身，原來準備了在一年一度的Nokia World才發布新機。Nokia CEO Steven Elop就對新平台以及Lumia系列充滿信心，更稱新機為「The Real Windows Phone」。香港屬於第二批發貨地區，新機年底就會現真身，各位諾記粉絲要密切留意喇！
一體機身 搶眼新色
市面上的智能手機大大話話都有幾百款，不過九成都係素色；Lumia 800就突破地備有粉紅、天藍以及黑色三款，前兩者都非常搶眼，遠睇都知你用緊Lumia 800！而機殼物料亦並非常見的塑膠，取而代之的是聚碳酸酯，比塑膠更硬淨，而且防刮，最重要是可以保持手感。然而，機身的整體設計則與N9極為相似，採用一體成形的機身，雖能大減入塵機會，可是卻無法更換電池，對於成日上網、煲粥的朋友就未必夠用。值得一提，機身的3.7吋AMOLED屏幕不但夠Sharp，更加入獨家的Clear Black技術，令到黑位更實淨，睇相、睇片的效果特別出眾！
杧果系統 蔡司加持
新機最大賣點當然是全新的Windows Phone系統，預載了最新版本的Windows Phone 7.5系統（代號Mango）。現場試玩，不但全面備有中文手寫輸入，就連介面亦可轉為繁體中文，用落零舍親切！硬件方面，換上了Qualcomm 1.4GHz處理器，Live Tiles轉動以至換頁都相當順暢；最明顯的就是多工處理效能，同時開啟Internet Explorer、XBox Live、Office等程式兼不斷切換，反應都好靈敏。此外，Lumia 800亦一改智能手機的拍攝弱項，將鏡頭升級至800萬像素，兼且有卡爾蔡司（Carl Zeiss）認證；實測拍攝，除了可以利用獨立快門鍵拍攝之外，更支援篤芒對焦，而且亦備有負片特效、微距等模式，相當好用。
潮牌合作 Monster耳機
同場Nokia亦宣布推出與Monster Cable共同設計及開發的耳機配件，分別為入耳式的Nokia Purity Stereo Headset by Monster以及耳罩式的Nokia Purity HD Stereo Headset by Monster。即場用Lumia 800試聽，低音雖然不強，不過人聲、樂器聲都好清晰，聽流行曲至啱！兩款耳機都採用了與Lumia 800相同的色系，襯埋一套，型爆。
新Hubs全面睇
Nokia Drive 揸車必備
雖然Windows Phone不容許廠商自設介面，不過Hubs的功能則無限制；Lumia作為Nokia的首批Windows Phone，廠方更特別研發多個獨家Hubs，包括Nokia Drive、Nokia Music以及ESPN Sports。Nokia Drive顧名思義是為駕駛人士而設，備有多個國家、地區的3D地圖可供下載，而且更支援不同語言的聲音導航，功能直逼PAPAGO等軟件！而Nokia Music則結合了My Music、MP3 Store等功能，更新增Mix Radio功能，有超過1,400萬首歌曲畀你串流任聽，亦可作離線聽歌，完全免費兼毋須登記，樂迷最Buy！而ESPN Sports則可以睇晒不同國家的體育消息，透過新版Live Tiles，更支援Pin to Start去主頁，將球隊、球員消息Push到主頁，連Hubs都唔使開！
推出日期：待定
同場加映
Lumia 710 五色底殼
曾幾何時，Nokia的3系是換殼手機的先驅，2011年看來會由Lumia 710接棒。新機規格與Lumia 800接近，但屏幕改為TFT素材，鏡頭、內置記憶體亦分別調低至500萬像素及8GB。不過，Lumia 710最大特色反而是其可變性，因為採用可換式的機背殼，總共有黑、白、藍、紫紅、黃五色，配合黑色及白色機面，效果都幾突出，啱晒鍾意鮮色的後生仔女。
Symbian新機曬冷
雙卡大聲公 Asha 200/201
除了Windows Phone之外，Nokia亦有推出多部Symbian入門級手機，銷售對象是中國、印度等手機普及率相對較低的國家。當中包括國產手機專利的雙卡型號Asha 200，其機側及電池下分別備有SIM卡槽，前者更支援熱插拔，適合經常中港兩邊走的朋友。另外，新機另一賣點是備有Qwerty鍵盤，方便打字；而且內置超大聲的喇叭，現場實測，過千人的嘈雜環境都清晰聽到歌，去BBQ焚機就至啱！
€420（約HK$4,200）
喇叭設於機底，不怕被手掌擋住。
內置16GB記憶體，但不設記憶卡擴充；另採用microSIM，買機前記住上台換卡。
拍攝介面齊全，而且支援一篤對焦拍攝，反應靈敏。
機面、機背的顏色統一，加上備有蔡司鏡頭，拍攝效果即「升呢」！
屏幕採用輕微弧面的設計，合乎人體工學。
更新至Mango之後，Live Tiles唔止識郁，仲可以Push最新資料上去Tiles，連Hubs都唔使開。
四色的耳罩式耳機都好靚仔，就連線材都襯晒色，仲可以自由更換。
入耳式耳機（左）隔音都不俗，而右列的則為藍芽耳機Nokia Luna，備有專用機座充電，同樣襯晒色。
現已有多幅地圖供下載，香港當然唔少得。
用GPS設定起點及目的地後，即有路線顯示，跟住行就唔會蕩失路。
Nokia Music的Mix Radio可以統計手機內歌曲的音樂類型比重。
Mix Radio將音樂分門別類，更支援下載至離線使用，好方便。
ESPN Sports可以將最愛的球隊以及球員Pin to Start去到主頁，資料會自動更新。
Lumia 710備有五色機殼，同機面玩撞色，效果搶眼！
機背殼用上塑膠物料，手感一般，但勝在夠輕身。
因為屏幕解像度的關係，介面變為橫向式，主頁可用空間不多。
Asha 200與E系手機好相似，而Asha 201則屬200的單SIM卡版本，外觀一模一樣。
Nokia World 2011於倫敦ICC London ExCel舉行。
Nokia CEO Steven Elop每逢大場合都會出現，Nokia World 2011當然唔例外。
體驗區有齊多款新機任用，梗係人人爭住試。
Lumia 800最快11月就會出貨，Keynote時Steven仲特別透過視像通話直擊生產線，睇住員工入盒包箱。
Nokia今次亦展出概念機Kinetic Device，機身採用Flexible AMOLED屏幕，只要將機身屈、扭即可做出放大、縮小以及上下等指令。屬開發階段的實機只有音樂及相片兩個模式，不過屈、扭的反應已非常靈敏、準確，難怪引起全場哄動。
留言列表
