娛樂喧
供半億豪宅 月使 5萬學費 李克勤狂開騷跑數
做了老竇的李克勤，近年明顯家庭為重，為了見證兩位金叵羅的成長歷程，情願推 job減工作量，絕對嫌錢腥。
為了培育兩個仔成為資優兒童，克勤為他們報讀不同種類的學前班，終於谷到 6歲的大仔李立仁成功考入港島區名牌學府。而住在西貢多年的克勤，去年亦以半億買壽臣山道豪宅，方便大仔返學。
孭住幾千萬樓債，每月又要使近 5萬教育費，克勤今年突然發力𢱑銀，再掛「左麟右李」牌頭開騷，成功擸二千萬減家庭負擔。
25/10低調湊仔克勤近日不停做訪問宣傳新碟，湊仔返學任務就交由老婆盧淑儀一力承擔。上周五（ 25日）記者便拍得盧低調湊 Ryan返學。 
之後盧淑儀揸車返新屋，落車後拎埋 Ryan的芝麻街公仔上樓。 
拖實大仔大仔 Ryan個性活潑，經常跳跳紮，當日他一落車便衝入學校，克勤見狀即刻急步拖實。
細仔跟媽咪相反細仔 Rex卻十分黐身，落車後立即主動拖實盧淑儀，非常聽話。 
愛晒父愛克勤十分享受做父親，前年個唱中，他便公開一家四口幸福照片，宣告自己是一位好爸爸。
六十萬供樓
知情人士說：「克勤自從有咗家庭之後，凡事都以兩個仔為先，如果啲工作需要出埠或者太嘥時間的話，克勤寧願少接為妙。所以佢今次肯放咁多期嚟搞演唱會，大家都好驚訝，因為搞一個騷，又要開會、試造型、排舞等大把事前準備工夫。佢返得屋企嚟，兩個仔都瞓晒啦！」
克勤情願犧牲湊仔的快樂時光，也要花心神賣唱一年，無非因為家庭開支愈來愈大。大仔 Ryan去年獲位於黃竹坑的「加拿大國際學校」成功取錄，為了方便湊仔返學放學，住了十年西貢的克勤，去年以 5千 4百萬購入壽臣山道曉穎花園一個複式單位。知情人士說：「大拿拿半億，有足夠流動資金都唔會一炮過拎出嚟啦，克勤依家每個月供樓都要成六十萬。既然『左麟右李』仲咁受歡迎，克勤當然搵得就搵，搞埋世界巡迴足足賺二千萬歌酬，幫補下供樓。」
十二場爆滿 
《左麟右李演唱會》門票上月中公開發售，立即掀起撲飛熱潮，即使三度加場也供不應求。記者早前到城市電腦售票網票房查詢，十二場爆滿，據知內部認購還有十萬張飛債。 
頻出碟搵錢 
今年暑假，克勤才推出了一張 hi-fi碟攞到雙白金銷量，四個月後，他又出 EP搵錢，看來他為了供樓，真係諗盡辦法。
谷兩仔成才
除了每月六十萬供樓，兩個仔的驚人教育費，亦成為克勤搵錢動力。大仔 Ryan考入小一前，盧淑儀已為他報讀兩個由外籍教師主理 pre-school課程，狂谷其英語聽寫能力。至於今年 3歲的細仔李力司（ Rex），雖然已有十足把握，可以跟隨哥哥入讀加拿大國際學校，但盧淑儀亦一早安排他到銅鑼灣上 playgroup。單是兩子的教育費每月已接近 5萬，還未計其他使費，難怪克勤唔搏殺唔得。
上周二（ 10月 22日），本刊便拍得克勤和盧淑儀兩公婆湊住細仔 Rex，親自送 Ryan返學。記者發現當日難得不用籌備演唱會的克勤，成個人落晒形，明顯為工作和家庭心力交瘁。
周一（ 10月 28日），記者搵過克勤經理人 Ronnie了解，他說：「克勤成個 2014年都同阿倫做世界巡迴，走勻美加、星馬同大陸，真係好忙。（但佢仲要兼顧湊仔喎？）係呀，佢一向都係好爸爸。雖然辛苦啲，但佢自己覺得 OK咪得囉！」而克勤亦曾說：「家庭負擔好重呀，供樓要供到 100歲呀！」看來克勤要唱多幾百場騷先搞得掂。
名人聚居熱點
李克勤新竇位於港島南區壽臣山道西曉穎花園，樓齡雖然有 24年，但由於去年進行外牆翻新，屋苑外觀煥然一新。而克勤所買的單位三房間隔，建築面積約二千六百平方呎，另設千三呎天台及一個車位。今年中，屋苑附近地域擬改劃為住宅地，克勤則以造成環境污染及滋擾居民為由，透過公司名義反對。
其實環境幽靜的壽臣山，一向屬不少名人及高官的心水居住地段，李嘉誠、田北辰、夏佳理家族亦聚居於此。
尖子攻略
香港每年的尖子人數激增，令家長對子女的教育相當緊張，不停花錢催谷子女，李克勤和盧淑儀兩夫婦亦不例外。
留言列表
