揞名爆

「吱喳」喺大婆台套生日劇《高高在上》入面同「冏冏」爭做皇后，不過現實唔使爭，劇組工作人員已將佢封為「太后」。咦，升咗呢？

 
「升呢？話佢霸道咋。」一個劇組二五好不屑咁同媽咪姐講﹕「你都知『吱喳』不嬲都冇人緣㗎啦，拍親劇都同啲拍檔唔妥，你睇佢同邊個啱嘞。
「《高》開拍時，『吱喳』嘅霸道更變本加厲。佢嗰時仲未同鬼仔醫生甩拖，個心成鬼日掛住拍拖，一開工就趕收工。因為套劇新人多， NG自然多，一NG，佢就黑晒面，發晒鞱憎。有次，『鬥牛』衰咗，佢即刻俾說話『鬥牛』聽：『睇唔出你咁醒喎。』在場嘅人聽到，雖然同情『鬥牛』，但又怕咗佢嘅潑辣，所以都冇人幫『鬥牛』講說話，不過就由嗰次起封佢做『太后』咯。」
唉，「吱喳」嘅格咁乞人憎，唔怪得愈做愈耷啦。 ####

 

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄