34歲擁有「童顏巨乳」稱號嘅星野亞希近年愈撈愈霉，唯一係執到件正嘢，就係兩年前主持賽馬節目時識到細佢13年嘅騎師三浦皇成。可惜因年齡差距及出身問題，除咗三浦屋企人及教練反對佢哋外，連馬迷都一致唱衰，要星野放過三浦。不過一直恨嫁嘅星野咁難先搵到心頭好，幾大都唔會放手，話之你哋反對，兩個喺9月25號登記結婚，10月22日宣布有餡3個月。


昔日嘅宅男女神，為咗箍實老公仔，放棄自己事業變身做煮飯婆，家頭細務一腳踢，愛情嘅魔力真係無人能擋。 ####


星野亞希為咗討好三浦屋企人，呢兩年嚟，不單減少接拍性感寫真，更洗淨鉛華踎喺屋企做阿四。日前，有人影到佢一身主婦打扮喺門口揼垃圾（右圖）。


賣性感唔食得一世，點都係有張長期飯票穩陣。


星野同三浦係喺賽馬節目度結緣，交往兩年多，終於踏上紅地毯。


21歲嘅三浦目前係日本最炙手可熱嘅騎師。7月時曾喺比賽中途墮馬，導致腦震盪及雙腿受傷。休養兩個多月後重新出賽。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄