曾幾何時，十級大男人嘅李思捷同女友春卷（王寶寶）出街，永遠一前一後。春卷想埋身，十級難度。不過風水輪流轉，自從男方早排被影到密會奀星李思蓓之後，李思捷為番女友，態度180度軟化。


前幾日媽咪姐就撞到李思捷同春卷去圓方行街。春卷得「皇上」首肯，當日可以繑住男友臂彎拍拖！之後兩人買飛睇《鐵甲鋼拳》時，李思捷放下大男人身段，細心同女友揀位，盡顯風度。既然男友識做，春卷亦投桃報李，睇戲時成個挨落男友度，難得思捷相當受落。兩個人終於似番拍拖囉！


####


貼身睇戲入戲院前，思捷好細心同女友揀位。開場後，春卷亦表現冧爆，成個身挨晒落男友身上。


親密繑手但當日春卷竟然可以繑住李思捷行街，簡直蔚為奇觀。


共返愛巢
兩人睇完戲就在停車場攞車，一齊返何文田愛巢。


朕依家准你出關！（設計對白）
謝主隆恩！（設計對白）
以往李思捷同春卷行街，只會一前一後，唔會太親密。（資料圖片）

arrow
arrow
    文章標籤
    李思捷 御准 春卷 出關
    全站熱搜

    stacylife 發表在 痞客邦 留言(0) 人氣()

    E-mail轉寄