自從「分燊家」事件暫告一段落後，「何家風雲」呢齣豪門實況劇都靜咗落嚟。不過，早前（19日）賭王因感冒發燒入咗養和，四房人馬分頭布陣，情況又變得熱鬧起嚟喎！當中最勤力嘅，一定非三房嘅超雲莫屬。雖然佢依家要跟媽咪陳婉珍學做生意，又要同honey陳山聰卿卿我我，好鬼忙。但出名得賭王歡心嘅佢，仍然hold住出入養和探老竇，day day化行妝，襯好成個total look先見記者，仲要拖實阿媽加分。呢種堅持、毅力同吸睛度，確係冠絕四房，搶晒分啦！反之，一向積極有牙力嘅四太，成日單拖上陣，阿女超盈少出現。不過，媽咪姐就喺微博見佢同班friend開party，去迪士尼好happy喎！

二房幫賭王 君悅擺大壽
見三、四房表現尚算輕鬆，都知賭王身體無大礙。據知二房仲打算喺下個月20日，喺君悅酒店同賭王擺大壽，大宴政商親朋，仲歡迎三、四房出席㖭，賭王高興之餘，亦攞晒彩！你問，乜唔係分完「燊家」呢咩？仲搞咁多嘢為乜？時代唔同，醫學昌明，六叔邵逸夫今年一百零四歲嘞！下個月25日，賭王先九十歲咋。歲月悠悠，未來嘅事邊個知？為阿爸，為自己，為乜都好，努力要及時！


超雲勁愛動物紋，呢身豹紋背心襯黑色see through外套、黑絲襪，誘惑度爆燈！咦？諗諗吓，佢honey陳山聰都有過類似演繹喎。唔知係趣味相投？還是何家限定呢？


超盈唔似超雲爭取機會博加分，寧願同班friend慶祝萬聖節，仲同「味之天使」藍莓friend到頭貼頭。喺擇友揀小星呢個觀點上，兩姊妹就好相似。

二房發力
喺「分燊家」事件上，二房似乎變得被動。不過，何超瓊見慣風浪，自己探完老竇，就安排妹妹何超鳳同何超蕸喺禮拜二（25日）接賭王出院。下個月，仲全權安排賭王九十壽宴事宜，喺何家地位依然舉足輕重。 ####


繑住阿媽陳婉珍，超雲手執大大個公事包加西裝褸，就係一個女強人crossover孝順女嘅total look。不過，點都要同honey保持聯絡嘅！再望吓iPhone套，啡金豹紋，超雲為呢個造型，寫下一個襯絕嘅句號。


10月20日 see through誘惑


10月22日狂野earth tone


超盈棄權


四太梁安琪負責送賭王入院，又曾通宵陪伴。阿女貪玩，阿媽就要辛苦啲。《蘋果日報》圖片


《蘋果日報》圖片


《蘋果日報》圖片

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄