媽咪姐幾時都話，人係會變嘅，關鍵係有冇需要啫！話說又係上周三，戴住黑超cool爆嘅阿嬌現身中環，不過佢一撞正媽咪姐就隨即變臉，蓮子蓉咁嘅面口話：「冇呀，我去英皇珠寶攞首飾呀！」


為咗表現對公司嘅忠誠，一向同記者冇乜兩句嘅阿嬌，除自爆行蹤外，仲唔理交通燈，一支箭咁衝出馬路，跑去對面街嘅珠寶店。咁仲唔止，佢特登喺珠寶店門口回頭同媽咪姐揮手一笑，又猛讚公司闊佬：「我一借就借咗百幾萬首飾喇！」將公司對鞋擦到立立令，媽咪姐真係要寫個服字！ ####


綠色行人公仔閃緊，阿嬌都仲要衝出馬路，助手惟有死追啦！


阿嬌當日chok住行中環，好似慌死見唔到記者咁。


阿嬌對記者向來口黑面黑，今次去到英皇珠寶後突然回頭say bye，嘩，好感動囉！

arrow
arrow
    文章標籤
    阿嬌 擦鞋 搵命搏 忽然1周 848期
    全站熱搜

    stacylife 發表在 痞客邦 留言(0) 人氣()

    E-mail轉寄