入行6年，王菀之處女紅館開個唱，事先張揚演唱會服裝極華麗，置裝費高達7位數字，搵名攝影師蜷川實花搞視覺效果，上週六（29日）震撼開騷。
一向以賣聲為主的Ivana，雖然只開兩場，不過王菀之落足心機，靚聲夠氣，加上42人大樂團，震懾整個紅館，九成入座率個個拍爛手掌。
今鋪吐氣揚眉叫好叫座，據知老闆林建岳已計劃加開part two，老闆撐到行，難怪王菀之感恩：「就算要我貼錢都要繼續唱！」

3D百合
以百合為主題嘅「水．百合王菀之2011香港演唱會」一開場，Ivana就以一身水晶泳衣配合花瓣造型出場。片花瓣就由幫開Sammi做形象的本地設計師鄧麗打造，Ivana話：「我自己好鍾意百合花，呢片花瓣真係好難造㗎！」

罕有性感
除低片花瓣後，Ivana激罕show大髀，成為全晚最少布、最性感服裝，難怪Ivana都話：「好大膽，賣腳嘅！」

壓軸氣球
由Wyman（黃偉文）同Tomas Chan聯手設計嘅「飯盒氣球裝」，一出場，全場觀眾嘩然，配埋個爆炸頭造型，勁出色！

毛毛粉撲
出自歐洲品牌On Aura Tout Vu的550粉撲裙，Ivana就係着住佢致謝詞。唔知係唔係着住靚裙特別有feel， Ivana足足講咗15分鐘，佢有特別多謝一個人，不過一直都唔肯開估，而外間就懷疑嗰個人就係好友張敬軒。 今日我真係好感恩，好多謝每個幫過我嘅人。入行6年，終於都等到屬於我自己嘅演唱會啦！有一個人喺我心入面，佢今晚有嚟，佢知我多謝佢嘅！

木雕長裙
呢條用木造嘅長裙同粉撲裙出自同一品牌，Ivana自己都好鍾意，佢仲話：「條裙好難着㗎！」

頻頻換鞋
除咗衫華麗之外，鞋方面都唔輸蝕，就由大品牌Christian Louboutin贊助。為配合舞蹈，Ivana換完踢躂舞鞋，為show舞藝，忙啲都要㗎啦！

古典美人
Ivana着住由本地設計師黃馨所設計的碎花長旗袍，由於佢太投入表演，跪低時不慎露出紅色打底褲都唔知。

網友激讚正！
第一次踩入紅館嘅王菀之（Ivana），個唱獲一致好評。除好友張敬軒在微博大讚外，粉絲們亦紛紛留言讚好，尾場encore位王菀之用iPhone睇歌詞唱〈Rainbow Connection〉時，在場嘅Eason仲鬼馬call佢，搞到Ivana騰雞，Eason下次唔好啦！

張敬軒讚

網民又讚
####


今次演唱會外界一致讚好，Ivana話：「公司諗緊開part two，我自己都好期待！」

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄