胡渭康相約趙碩之睇騷　微博傳情胡渭康愛趙碩之巨胸 @ 明星靚相大分享☆

相約睇騷　微博傳情胡渭康愛趙碩之巨胸

44歲王老五胡渭康（ William）闊別樂壇二十多年，最近再度出擊，音樂事業正再起飛之際，愛情路上亦露曙光，前晚 William與 23歲的巨胸索女趙碩之（ Wylie）結伴欣賞 X JAPAN演唱會，其間兩人不時咬耳仔，又在微博傳情， William接受本報訪問時直認：「第一眼見到佢已好吸引我！」

其他娛樂名人影片

前晚胡渭康與趙碩之齊現身亞洲博覽館欣賞 X JAPAN演唱會，同行還有兩人的經理人林建名， William與 Wylie入場時任記者拍照，林建名就安排兩人並肩而坐，他則獨自坐前幾排，免做電燈膽。

放大圖片
趙碩之和胡渭康在微博互傳情話。　微博圖片

趙碩之和胡渭康在微博互傳情話。　微博圖片

放大圖片

放大圖片
完騷後趙碩之與胡渭康各自離開，趙碩之與女友人坐機鐵返家。

完騷後趙碩之與胡渭康各自離開，趙碩之與女友人坐機鐵返家。

放大圖片
胡渭康與趙碩之並肩而坐，連托腮動作都咁夾。

胡渭康與趙碩之並肩而坐，連托腮動作都咁夾。

讚君子好逑放大圖片
擁有豐滿上圍的趙碩之經常展露天賦本錢。　資料圖片

擁有豐滿上圍的趙碩之經常展露天賦本錢。　資料圖片

演唱會期間， William與 Wylie看得十分投入、兩人十分合拍一齊起身跳舞拍和，又不時咬耳仔，狀甚親暱，但兩人發現記者拍照，即變得十分避忌，散場時刻意前後腳離開。 Wylie更找了位女友人陪她乘機鐵到香港站，再到零食店掃了大袋零食，才轉乘港鐵返鰂魚涌的家， William則一支公回家。到昨日中午， William與 Wylie在微博傳情， Wylie先向 William說：「幫你美一美肌，竟馬上變為 25歲，坐在你身旁，這 23歲女友人表示鴨李（壓力）好大！」 William即時回話：「美媚，我就算唔美肌都見得人啩。」對於與 Wylie結伴睇騷又微博傳情， William接受本報記者電話訪問時笑說：「老闆（林建名）都一齊㗎，佢大老闆梗係坐前啲，我哋就坐後啲喇。」問 William為何不送 Wylie返家？他說：「係囉，睇到我哋分開返屋企，就知我哋只係約埋一齊睇演唱會，冇其他。」問 William是否仍在追求階段？他叫了出來，還戲言：「嘩！好多對手喎！我唔慣出手，慣咗等人出手……哈哈，不過一路都冇反應。」再問 William是否等 Wylie出手？他故弄玄虛說：「唔知呢！佢各方面都太好，君子好逑！」至於 Wylie的身材是否最吸引， William直認不諱：「呢方面的確好吸引，好搶眼，第一眼見到佢已好吸引我，佢好靚。」

經常約食飯

記者追問 William會否再約 Wylie食飯？他說：「我哋成日一班同事食飯。」另外， Wylie前晚睇完演唱會後受訪，談到陳冠希與模 Cammi的慾照近日流出， Wylie說：「其實唔關我事，如果有日佢真係叫我影呢啲相，我會叫佢睇精神科醫生。」採訪、攝影：比華利、龍婉琪、黃曉程、盧葦

胡渭康（左）與趙碩之前晚結伴欣賞 X JAPAN演唱會，其間兩人十分合拍。