探熱針
鄭裕彤再入養和 李嘉誠急探
病情保密
去年九月，彤叔在家中風被送入養和醫院，留醫觀察三個月後秘密出院，返回鄭家大宅休養。
「彤叔中風後講嘢唔清楚，身體活動能力差晒，出入要兩個人扶住坐輪椅，間中會叫人推佢出後花園曬太陽，暫時亦只可以食流質食物。雖然醫生要彤叔多啲休息，但公司每日依然會派人嚟向佢交代公司情況，彤叔就算唔舒服，對盤生意仲好上心。」知情人士透露。
在家休養大半年，今年八月中，彤叔再度秘密入住養和醫院深切治療部。
「彤叔情況轉壞，家人第一時間送佢入養和，仲同醫院講明要高度保密，萬一彤叔病情外洩，會對有份照顧彤叔嘅醫護人員作出追究。彤叔都好硬淨，住咗一個月唔夠就可以返屋企，但始終年紀大，病情易反覆，三個星期前，彤叔覺得唔舒服，又入番養和，到而家仲未出嚟。」
週一，大仔鄭家純到醫院探彤叔，但逗留十分鐘便離去。 
彤叔再入院，少有出現醫院的李嘉誠特登去探病，據資料顯示，李嘉誠對上一次探病是富豪御用風水師陳伯病重期間。 
上週三（十月三十日），李嘉誠約埋紅顏知己去探彤叔。
李嘉誠出入，除坐防彈寶馬車外，更有三架保鏢車及一架電單車護駕，十分大陣仗。 
親友陸續回港
彤叔愛孫鄭志恒的韓籍女友以及曾孫，據知在兩個星期前，被急召由韓國返香港。
秘道出入
彤叔大仔鄭家純及次子鄭家成，差不多每日都會到養和照顧父親。由於要保密入院消息，所以兩兄弟多數經由秘道出入，避免被傳媒發現。
本週一（十一月四日）上午九時，鄭家純探完老豆離開養和，記者上前追問有關彤叔病情，戴住口罩的他說：「好好，多謝關心。」至於何時出院及病情等問題，鄭家純全程封口。至於十一月生日的鄭家成，公司同事每年也會為他慶祝，今個月二日，亦在惠陽的棕櫚島度假村，筵開八席。
「本來 Peter（鄭家成）唔想慶祝，但公司同事唔知彤叔有事，所以照舊幫佢搞； Peter唔想俾人知老豆入院，咪照去囉！不過佢都冇乜點參與個 party，只係切蛋糕嗰陣出現，同埋唱咗首歌，十點就散場。」知情者說。
鄭家成到醫院探彤叔，不過由秘密通道出入。 
為免惹來揣測，鄭家成今年照舊跟度假村同事開生日 party，他亦只有在切蛋糕時有笑容。 
上年 9月彤叔第一次中風入院，孫仔鄭志剛也被拍到在醫院出入。
撰文、攝影：娛樂組
留言列表
