乖乖女王菀之前幾日喺紅館開騷，媽咪姐都有去捧場。話晒處女騷，平時着衫包到上頸嘅佢，今次賣大包騷胸騷腿明益街坊，件件怪雞歌衫型爆全場。佢仲唔怕死，着上6吋高踭鞋，仲爭啲喺台上跣低，嚇到媽咪姐都大嗌咗出嚟。


好彩無驚無險完成演唱會，正當媽咪姐諗住鬆人之際，王菀之見歌迷熱情唔願走，竟臨時加唱兩首歌。不過台上隊band已經閃人，王菀之惟有拎住部iPhone，邊睇歌詞邊自彈自唱。點知唱唱吓，電話失驚無神響起。原來係台下陳奕迅（Eason）玩嘢打俾王菀之，話個騷好正，叫佢加油喎。
唉！Eason貪玩都唔係今時今日嘅事，不過人哋開騷你就咪玩啦，阻住歌迷聽歌事大吖嘛！ ####


我王菀之咁隨便俾人玩㗎咩？（設計對白）
王菀之一身怪雞造型，仲要着上6吋高踭鞋，真係一步一驚心。


王菀之喺台上拎住iPhone唱歌時，遭到Eason打電話整蠱，場面勁搞笑。


佢一返到後台，即刻找Eason晦氣，嚇到Eason太座阿徐都縮埋一邊。


成功開完演唱會，一身都鬆晒。王菀之仲向緋聞男友張敬軒詐嬌。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄