莊思敏日前跟緋聞男友林忠豪出席慈善活動，被指「情侶檔」上陣，點知莊思敏即時澄清：係朋友檔或者兄弟檔。咁又係，唔通個個男人黐埋嚟都叫「情侶檔」咩？媽咪姐相信莊思敏係有sense嘅，唔會阿豬阿狗都認情侶。


王祖藍早前接受薛家燕訪問，被問及係咪搵李亞男「配種」，祖藍矢口否認：我嘅愛情係高尚，唔係用嚟配種。咁又啱喎，動物先要配種，人類係交配。何況愛情冇分高矮貴賤，祖藍高尚得有理由。


張栢芝早前獲內地美容活動頒授「風尚妝容大獎」，佢上台致詞時大發偉論：相信自己很美，就會變得很漂亮。相信自己靚就會變靚，咁相信自己好脾氣，係咪會變得隨和先？如果係，唔該佢先自我催眠，唔好隨便發爛渣！


楊怡日前為樓盤剪綵，坦言想買樓再做收租婆，亦唔抗拒嫁個有錢人，人要靠自己，不過有都無妨。其實個個女人都想嫁得好，無憂米，楊怡難得夠坦白，我鍾意！


林峯唱片獲四白金成績，被唱片公司高層吳雨封為「長chok大將軍」。不過林峯笑言：成日chok好攰㗎！ Chok得多傷氣力，不過唔chok又冇話題啫。都係嗰句啦：唔辛苦邊得世間財，繼續努力chok呀林峯。


何佩瑜（Jeana）透露將會升胸至H cup，死敵趙碩之趁機寸爆對方：隆到H cup仲睇唔睇到枱面啲嘢食？你又同Jeana定喎，佢望到自己個H cup胸，分分鐘都飽到食唔落嘢。枱面嘅食物，你放心可以獨吞。 ####

arrow
arrow
    文章標籤
    句句金 忽然1周 849期
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄