本來諗住大婆台同其他幾間擘口公司傾掂數，今年個頒獎禮會有番啲睇頭，誰不知有個二五話﹕「冇囉，俾『禿鷹』個『好天』搞喎咗啦﹗」唓，人哋破冰關「好天」咩事？


二五話﹕「因為佢哋要幫『小飛機』爭冧莊嘛。因為一旦破冰成功，『最唱得獎』肯定係『臣臣』攞，所以咪要搞破壞囉。」「小飛機」舊年咪攞過囉，仲爭嚟做乜？「其實『小飛機』舊年個獎，衰啲講句，係執『甫士王』二攤得番嚟嘅。無可否認，講實力，佢係高過『甫士王』，但論粉絲數量同力量，就拍馬追唔上『甫士王』。若果真係公開點票嘅話，『甫士王』票數贏佢幾條街㗎。不過『甫士王』攞咗個『亞洲唱得獎』時，已經俾人唱係大婆台造馬，若再攞埋『最唱得獎』，肯定俾人噓到老竇姓乜都唔知，所以有獎都唔敢要，先輪到『小飛機』咋。」啊，幾時都話啦，呢啲選乜選物嘅嘢，邊有公正㗎，包括特首，媽咪姐話嘅。 ####

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄