周麗淇簽長約做親生女，與林峯拍由 Now投資的《大漢賢后衞子夫》亦會安排在無綫播出。
探熱針
招兵買馬 法拉楊怡走人 周麗淇賣身 5年換視后
外界熱撐 HKTV開台，面對免費電視台來勢洶洶，無綫又唔爭氣，小生花旦不停流失，上得枱的陳法拉楊怡相繼走人，製作資源副總監樂易玲接旨，要想辦法留人打仗。
舊人唔願留低，樂易玲唯有外求，拉攏有收視保證的周麗淇簽藝員長約，據知， Niki已決定賣身五年做親生女，換取台慶視后獎項，甚至不計前嫌，答應明年與舊愛鄭嘉穎合作王心慰新劇，幫無綫大搞綽頭。
一波三折
每年的台慶頒獎禮，小生花旦都為視帝視后獎項爭崩頭，近日便傳出快約滿的楊怡，將會跟隨合作多年的經理人嘉莉離巢，為此，無綫曾考慮將今年的視后獎頒給《巨輪》的鍾嘉欣。
不過，去年即使有收視高的《護花危情》造勢，一樣敗給《名媛望族》楊怡的鍾嘉欣，今年同樣遇上黑馬周麗淇，封后希望，一波三折。
「其實嘉欣舊年個勢仲好過今年，但都輸俾楊怡，鬼叫佢舊年唔睇清楚就矇查查同無綫續咗八年長約，公司見你走唔甩，自然唔會俾獎啦！俾份長約綁死，我哋知今年佢一樣無份！」一名 TVB員工說。
上週四， Niki與當日牛一的 Marianne到利園買紅酒，為晚上開 P準備。 
Marianne生日當晚，樂易玲亦有到。 
簽五年約
事緣一直只簽部頭約的周麗淇，近日與樂易玲密密見，有指樂易玲想簽 Niki做親生女，藉此取代離巢的陳法拉。
「今年五月《金枝慾孽 2》收視插到得十八點，因為無綫同廣告商嘅合約係規定如果收視低過二十點，就要作出賠償，冇晒面仲要有金錢損失，嗰陣真係倒瀉籮蟹；《好心作怪》接《金枝 2》出，當時大家都好擔心，點知出街後平均收視有三十點，最高就三十三點，無綫自然當 Niki係福將，加上陳法拉走完楊怡又走，無綫根本無晒花旦，更加攬住 Niki當寶。」知情者說。
無綫今年突然再改制，視帝視后由去年全民投票改為 50%專業評審，方便用獎留人，包括快將約滿的陳豪，至於傾掂數簽五年約的周麗淇，賣身有附帶條件！
分手五年，鄭嘉穎將回歸與 Niki合作新劇。（《忽然 1周》圖片） 
《金枝 2》雖然有鄧萃雯、蔡少芬、陳豪，但收視插水，緊接出街的《好心作怪》成功掹番上三十點，周麗淇被視為福將。 
過氣情侶檔
「殼王陳國強同 Niki所屬嘅大岳娛樂老闆林建岳係老友，二來 Niki自己同樂易玲、曾勵珍、梁家樹幾個高層關係都好好，佢肯賣身做親生女，公司內部意向今年俾佢做視后；之前新加坡嘅電視頒獎禮， Niki已經擸咗兩個獎，月底馬來西亞頒獎禮，公司亦度咗期叫佢出席！」一名無綫人說。
免費電視台來勢洶洶，為加強競爭力，無綫不容有失，經理人部門亦同藝員鎖定檔期開劇，賺錢內地劇全部要讓路。據知，近年唔願返香港，執人仔賺到笑的鄭嘉穎，最近亦向身邊人透露，明年會與前度 Niki再合作，接拍王心慰新劇，回歸谷收視。
萬試萬靈
小生花旦爭做視帝視后，每年年尾，換獎傳聞浪接浪；賣身簽長約後就有獎揸手，以約換獎，萬試萬靈。
黎姿
04年《金枝慾孽》四位花旦同角逐視后，本以鄧萃雯呼聲最高，但有傳黎姿簽 5年合約換獎，成功截胡奪視后，當年影視處更接獲過百宗投訴表示不公平； 05年，黎姿果然簽埋 TVB的經理人合約。
鄭嘉穎
06年憑《天幕下的戀人》奪視帝，鹹魚翻生，把心一橫與 TVB簽了十年包薪約； 11年，再加簽 5年長約，錫鄭嘉穎錫到燶的樂易玲搏晒老命拉票，成功助他再度以《怒火街頭》坐上視帝寶座。
楊怡
與無綫簽下長命約的楊怡， 09年再續約 5年，並憑古裝劇《宮心計》獲「我最喜愛電視女角色」及「最佳表現大獎」；去年，無綫又出術留住快將約滿的楊怡，結果憑《名媛望族》奪視后，是第二位藝員訓練班出身做視后的女演員。
留言列表
