新書記者會上，李丞責將本運程書送俾女友劉倩婷。兩個關係好成咁，一早就有書啦！咁做當然係為宣傳啦！\n

兩個月前，李丞責同劉倩婷（ Sandy）被本刊影到同車斷正，兩人由尷尬回應，發展到公開拍拖，唔使收收埋埋，舒服晒。上星期六（ 29日）李丞責為運程書《諸龍入水》開記招，劉倩婷則以女主人身份現身，俾在場記者大逼供時，鬼妹仔 Sandy怕醜，面都紅晒。


嘩，咁純情，睇嚟可以拍番套《那些年，我們一起睇的風水》喎！
嘩，咁純情，睇嚟可以拍番套《那些年，我們一起睇的風水》喎！

話說記者會當日，媽咪姐撞到佢 哋 喺 MegaBox撐 枱腳飲茶，李丞責好細心夾 嘢俾 Sandy食，兩個不時細聲講大聲笑。離開酒樓行出商場時，仲以為佢 哋會拖吓手仔啦！點知李丞責極其量只係扶吓女友。勢估唔到一個結過又離過婚，一個係港姐冠軍，拍拖竟然好似初戀咁囉。

撐枱腳


上星期六記招前，李丞責與劉倩婷 喺 MegaBox撐 枱腳，兩人拎出本運程書狂刨。劉倩婷笑得咁開心，話唔定師傅正向女友講解來年愛情運呢？

扶到實


撐完 枱腳行出商場，李丞責在扶手電梯輕扶女友，雖然只係好微細 嘅動作，但劉倩婷已經冧爆，兩人四目交投，過晒電。

冧到爆


劉倩婷唔止人到，仲送上愛心蔘茶慰勞男友，李丞責即場隊晒成壺。記者問佢俾幾多分女友（ 100分滿分），佢話俾９９.９９９９９分，劉倩婷即時甜笑。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄