林峯與千語 BB夜遊中環 shopping，記者叫他們企定定合照，林峯冇托手踭，大方照做。
探熱針
吸 800萬 cash 千語 BB揸乾林峯
有林峯的好愛好愛好愛包圍下，吳千語食住行以至名牌衫褲鞋襪，通通有好愛她的林峯泵水找數。今年中，千語 BB再發功，氹男友送三百二十萬 Aston Martin跑車，氹唔掂，又改變主意想有豪宅揸手，可惜林峯一律 say no。
失敗再嘗試，千語 BB終於在二十歲生日，成功冧掂峯峯現兜兜送八百萬 cash，講心又講金，林峯「 BB降」的確愈中愈深。
豪養女友
高呼七次「好愛好愛……千語 BB」的林峯，放假到明年一月，才返無綫復工。大把時間拍拖，「峯語」密密見，到女友香閨過夜，在剛過去的萬聖節，千語 BB從上海工作完回港，林峯得閒到親自駕駛馬莎拉蒂戰車接機，再出外狂歡，就算被記者撞破，也任影唔嬲，愛得痴纏。
一直有指千語 BB拜金，要男友包外遊、送 Hermes、 Chanel等名牌衫袋，又要租豪宅給她的父母住，林峯全部照辦，更聲言唔介意豪養女友。
去年中，千語 BB又有「需求」，目標禮物是送三百二十萬的 Aston Martin DB9跑車，但由於她未有車牌，遂要求用父親名字作新車登記。
「阿峯就係見 BB未有車牌，所以拒絕咗！後來又話想買樓，但幾百萬細價樓又睇唔上眼，講緊嘅係啲幾千萬嘅豪宅，真係大咬㗎。」林峯身邊友人說。
在中環 IT行了大半個鐘，無收穫，最初發現記者時更刻意前後腳步出店鋪（右圖）。 
漫無目的四圍逛，二人沿途有講有笑，後來林峯駕駛跑車，與女友離開中環。
4/11 
愛騷長腿的千語 BB，週一到商台為化妝師 Rick Chin主持的節目做嘉賓。
享受拍拖
一同出席《詭嬰》宣傳活動，雖然二人在戲內不是演情侶，但去到邊都成為焦點，記者要求合照，女方避忌，林峯卻 man爆拉住女友任影。
據了解，同無綫的經理人約明年亦告屆滿，樂易玲為表留人誠意，一直積極為林峯傾唱片合約；但同一時間，有意開拓電視市場的東亞娛樂，亦打算另開新 label讓林峯打骰過老闆癮，但目前只顧拍拖的他，對住優厚條件，並未心動。
「阿峯做埋台慶之後就休息，一月返嚟開工，英皇同外面嘅唱片公司都有意同佢傾，但究竟係點，要佢自己決定。佢拍戲、開演唱會都已經做過晒，佢想放多啲時間喺私人生活，始終第一次咁公開拍拖。一月阿峯返嚟，我會『扯』佢㗎喇！」樂易玲說。
現金定驚
見向來疏爽的林峯唔願送車送樓，千語 BB改變玩法，實行化整為零，開始跟男友投訴自己工作頻撲好辛苦，買衫養家賺得少入不敷支，覺得毫無安全感。為了讓「好愛」的 BB放心，林峯最終現兜兜送八百萬給女友「定驚」， BB吸金成功。
對 BB積極有反應的林峯，專心一意拍拖，暫時將個人事業擺開。○七年簽約英皇 Music Plus後，多年來已四度在紅館舉行個唱，但與英皇的歌星合約其實早已完結。
「我想呢一年休息吓，好多想做嘅嘢都做咗，要停一停、諗一諗。」林峯更坦言未有跟英皇或其他唱片公司傾合作，唔恨做。
31/10從上海工作返港，峯嫂有助手司機保母車，大陣仗接回灣仔屋企。 
林峯出動戰車到女友香閨，再一齊出外慶祝萬聖節，見有記者跟，林峯違規雙白線掉頭走人。 
經常被拍到二人到名店 shopping，剛過了二十歲生日的千語 BB，更獲林峯送贈二十萬的 Chanel J12鑽錶。（《蘋果日報》圖片）
吸水力強
今年二月，自林峯和吳千語公開戀情後， BB身價即時十級跳，打扮一身名牌，住最好、食最好，全由林峯包搞掂。
鑽石錶
上月 27日，千語 BB首個公開戀情後的生日，林峯緊張到親自去名店挑選生日禮物，最後買了一隻價值 20萬的 Chanel J12白色搪瓷鑽石錶，送給壽星 BB。
百萬手袋
今年 3月與林峯遊米蘭，千語血拼名牌，一口氣買了七個 Hermes手袋，埋單 180萬；事隔兩個月，與林氏一家到美國出席林峯胞弟畢業禮，經過機場 Chanel專門店，再瘋狂掃走六件貨，全由林峯碌咭找數。
租豪宅
拍拖未幾，林峯便豪擲八萬租下位於麥當勞道千呎豪宅給千語 BB入住，再送 50萬讓女友買傢俬；吳父亦由沙田第一城搬到月租 9萬的堅尼地道金纓閣單位。
留言列表
